Knut har fått tilbake sveitserstilen frå 1898
Knut Midtbø har fått tilbake sveitserstilen på våningshuset på Brenne. Slikt blir det pris av.
i fjor fekk bøheringen byggeskikkprisen for den unike restaureringa på garden i Eikjabygda.
Ikkje til å kjenne igjen
Etter ei modernisering i 1970-åra - med tømmermannskledning og husmorvindaugo - var bygningen frå 1898 ikkje til å kjenne igjen.
No har Knut Midtbø fått den tilbake til opphavleg prakt.
Mange utskjeringar
Midtbø overtok garden i 2003, og han ønskte å få tilbake den gamle stilen.
– Eg har restaurert med utgangspunkt i gamle bilete av garden. Eg kjem aldri til å angre på at eg har droppa dei lette løysingane, seier Midtbø i ein prat med Varden.
Det var den byggmeister Halvor Stadskleiv - bror til kunstmålar Torleiv Stadskleiv - som førte
Eg har restaurert med utgangspunkt i gamle bilete av garden. Eg kjem aldri til å angre på at eg har droppa dei lette løysingane Knut Midtbø
opp en staslege bygningen, pryda med masse utskjeringar og verandaer, på tampen av 1800-talet. No er alt dette tilbake.
Fann dimensjonane
Midtbø har ikkje berre bruka bilete frå gamle albumar. Han fartaògrundti-Bøogsågpåandre bygningar som Stadskleiv sette opp. Slik fann han dei rette dimensjonane på utsmykkingane. Bror til dagens eigar på Brenne, Inge Midtbø, har rekonstruert utskjeringane ved hjelp av teikneprogram på data. EKS Design i Østfold har fresa ut delane på bakgrunn av desse teikningane.
Tømrarane Ragnar Bakken og Halvor Mosebø frå Sauland har teke seg av restaureringa utvending. Dei har arbeidd på Brenne i over eitt år.
Over 600 år
– Det viste seg at under kledningen var tømra intakt. Eg er kjempefornøgd med det utførte arbeidet. Fargene er like dei som blei bruka i gammal tid. Eg likte dei, seier Knut Midtbø som har lagt mykje vekt på å bruke lokale underleverandørar til restaureringa av bygningen med ei grunnflate på 180 kvadratmeter.
– Dette er ikkje blitt heilt billig...
– Det blei som eg frykta. Tre millionar kroner har gått med, svarar eigaren.
Han er fornøgd med støtta frå Midt-Telemark Landbrukskontor på 90.000 kroner. Elles har han ikkje fått offentleg støtte til det store prosjektet.
No er han i full gang med å få tilbake den gamle stilen og fargene innandørs - i huset med fire stover og totalt ti rom. I hovudsak er alt utvendig arbeid no fullført på garden.
Der er det grasproduksjon, og så låner Midtbø ut beiteareal til ein sauebonde i grannelaget.
Brenne er ein gard med historisk sus i Bø. På 1900-talet var den eigd av den mektige Borgjaslekta.
Brenne er nemnd i Raudeboka frå 1398. I 1528 skatta Torgeir på Brenne, som truleg var eigar av garden, eitt lodd med sølv til Kongen.
Seinare på 1500-talet blei Berulv Olsson eineeigar. Frå 1593 og fleire år framover blei garden driven av leiglendingar, for eigaren budde i Kilen.
Han hadde ei dotter Sigrid, som blei gift med Arne Jonsson på Tveitane i Lunde. Denne aetta sat med garden til utgangen av 1600-talet, da det gjekk ut med dei økonomisk.
Måtte selje
På 1700-og 1800-talet var det Fjågesund-Brenneaetta som eigde garden. Sistemann i denne slekta på Brenne, Gunder Thordsen, kom i stor gjeld til storbonden Halvor Uvdal - og måtte i 1888 selje eigedommen til han.
Halvor Uvdal og kona Aslaug frå Borgja hadde ei rad gardar, og yngste sonen deira - Klas - fekk Brenne og Åse. Folketeljinga i 1900 fortel at Klas Brenne hadde åtte tenarar på garden.
Stor skilnad
Karane budde i hovudhuset og jentene i gamlehuset.
På den tida var årslønna for mannfolk 240 kroner medan kvinnene fekk litt over det halve - 130 kroner.
Klas Brenne døydde i 1903, berre 33 år gammal og nevøen Halvor overtok. Han blei fyrst gift med Else Kjeldal frå Lunde, men det enda med skilsmisse. I 1929 gifte han seg med Ingebjørg S. Børte.
Da var det slutt på rikdommen, og Halvor Brenne mista garden til systera Bergit Borgen, men han kjøpte den tilbake og
Det blei som eg frykta. Tre millionar kroner har gått med Knut Midtbø
sat med garden til 1955.
Ny aett
Paret var barnlause og gav mykje av det etter seg til Bø Museum. I 1955 selde dei garden til Tor Midtbø for heile 180.000 kroner.
I dag er det barnebarnet hans, Knut Midtbø, som sit på Brenne.
– Folk var i tvil om bestefar ville klare dette. Kjøpesummen var høg, seier Knut Midtbø som kan konstatere at det heile enda bra.