Hva skjer med E134 - Haukelivegen?
Det var eit stort presseoppslag for ei tid attende om at E134 var hovudtraseen av dei to stamvegane mellom aust- og vestlandet. Dette vart vedteke på grunnlag av dei faglege vurderingane innan samferdselsektoren, dei her i landet som har det som sitt ansvarsområde. Så langt er alt greit og etter boka. Slik eg ser samfunnsstyringa så skal stortingsrepresentantane fatte vedtak ut frå dei faglege vurderingane som kjem fram i debatten i dei ymse sakene. Det har ikkje kome fram noko som tilseier at det grunnlaget for å gje E134 fyrste prioritet er feil, men det er feil veg, ut frå ei interessegruppe som har sine ymse brukarinteresser knytt til rv7. Det utrulege og triste er at regjeringa på bakgrunn av denne lokale interessegruppa snur, eller tonar ned E134 som hovudstamveg i konkurranse med rv7, som ikkje var med i den fyrste utvelgjinga. Detsomer viktig i denne saka er å få ein vintersikker veg mellom aust- og vestlandet. Ut frå dei erfaringane me har med vintervedslikehaldet av Haukelivegen gjennom nesten 50 år, så er den einaste løysninga å laga ein lang tunell mellom Røldal og Tyrvelid ( Vågslid). Vegen slik den no er ligg på 1000 m.o.h. og det er viktig å ta omsyn til at meterologane varslar om meir ver i framtida. Difor er det er ein total feilvurdering å legge den framtidige E134 i ope lende som no, mellom Haukelitunellen og Vågslidtunellen, dersom ikkje meininga er å få laga ein veg der det vert kolonnekøyring. Kva er så grunnen til ein slik avgjerdsle av personar som skal vera med å utvikle samfunnet i positiv lei. Me er no inne i ein nominasjonsprosess til stortingsvalet, og då kan det vera viktig at ein får inn på stortinget personar som er klar over kva for ansvar stortinget har i samfunnsstyringa. Me går ei usikker framtid i møte dersom me ikkje greier å stoppe denne utviklinga der pressgrupper styrer stortingen meir enn «normalt». Utviklinga dei siste åra er ikkje heldig ut frå det faktum at stortinget har gjordt vedtak fatta på grunnlag av forslag som er fremma av pressgrupper. Eg tenker her på bygginga av Hardangerbrua, og det er skremande likskap med det som det no vert lagt opp til i denne vegstriden. Me treng ein vintersikker stamveg mellom austog vestlandet. Det er mange produksjonsbedrifter mellom Bergen- og Stavanger regionen som er avhengig av å få varene sine sikkert fram til kundane. Det same gjeld bedriftene på Austlandet med kundar på vestlandet. Dette ligg i botnen i denne saka. No er det viktig at regjeringa snur og høyrer på dei faglege vurderingane innan samferdselssektoren og naeringslivets behov og kjem med forslag til stortinget som er tufta på dette og ikkje slik det no ser ut til, at pressgrupper styret utviklinga i samferdselssektoren.