Solidaritet og menneskerettar
Sist sundag og måndag var to dagar der hjelpearbeid, solidaritet, menneskerettar og fred sto i fokus.
Årets store TV-aksjon på sundag den 23. oktober var ein storstila folkedugnad der heile nasjonen ga pengegåver for å vise at ein set pris på og forstår viktigheita av hjelpearbeid og humanitaer innsats blant folk som ikkje har det så bra som dei fleste av oss. Røde Kors, som pengane gjekk til i år, er ein av hovudeksponentane i det å hjelpe menneske som sårt treng denne hjelpa på ulike måtar, der sult og uro trugar deira tilvere. Derfor kan ein vera viss på at pengane kvar og ein av oss la i bøssene til trufaste bøsseberarar denne dagen er eit viktig og kjaerkome handslag til ein organisasjon som vil det beste for alle menneske, og serskilt der hjelpeinnsatsen trengs aller mest. Og dagen etter, måndag 24. oktober, var heile verdas FN-dag. Dette er altså ein internasjonal dag i menneskerettane si ånd, der verda skal minnast på at vegen til fred og forsoning går gjennom likeverdige rettar og respekt for alle menneske, uavhengig av folkeslag og opphav. Ved toleranse og ansvar for kvarandre, og for det livsmiljøet vi lever i, går vegen til ei likeverdig fordeling av klodens ressursar på ein berekraftig måte. Her til lands var fokuset retta mot det sivile samfunnets si rolle for å nå FN sine 17 berekraftmål innan 2030. Ei stor, men likevel livsviktig oppgåve i vår eiga tid, og ikkje minst i framtida for dei generasjonane som skal arve og forvalte denne vår einaste klode etter oss. Det å vera solidariske med kvarandre, med naturen og med etterkomarane våre er eit berande prinsipp i Miljøpartiet Dei Grøne (MDG) sin ideologi.