Reduserer ikkje spenninga

Før Norge blei medlem av NATO blei det i 1949 vedtatt ein norsk basepolitikk. Nå kjem Høgr med eit merkeleg forslag.

Vedtalet frå 1949 er er formulert slik: «Den norske regjering vil ikke tiltre noen overenskomst med andre stater som innebaerer forpliktelser for Norge til å åpne baser for fremmede makters stridskrefter på norsk territorium så lenge Norge ikke er angrepet eller utsatt for trusler om angrep». Nå vil Høgre stasjonere 300 amerikanske marinesoldatar i Trøndelag. Bakgrunnen for dette er truleg at Forsvarssjef Bruun-Hanssen i eit dokument i 2015 skisserer fast stasjonering av utenlandske soldatar for å kompensere for eit forslag om å redusere den norske haeren: «Risikoen kan reduseres ved at allierte dekker opp for våre svakheter. Dette vil kreve allierte styrker på norsk jord til daglig». På basis av vedtatt basepolitikk om ikkje å stasjonere faste utenlandske styrkar i Norge, er dette eit merkeleg forslag. «Vrien» som Regjeringa tenker på er at dei amerikanske soldatane stadig blir skifta ut med nye. Ein juridisk vri, men med ein realitet som bryt med vår base- politikk. Merkeleg og skammeleg er det at Arbeiderpartiet ved Anniken Huitfeldt også har sagt seg enig i denne stasjoneringa og i dette brotet med norsk basepolitikk. Dei amerikanske marinesoldatane skulle flyttast frå Svartehavet til Nord-Trøndelag. Kva har amerikanske marinesoldatar så hatt i Svartehavet å gjere? Ein ting er sikkert, dei har ikkje akkurat bidratt til å redusere spenninga mellom Russland og NATO der nede heller. Det har vi dessverre erfart. Russland rustar opp fordi NATO rustar opp, og NATO rustar opp fordi Russland rustar opp, eller kanskje det var omvendt. Slik går i hvert fall spiralen stadig oppover, og våpenfabrikkane på begge sider har gode tider. Det er farleg ikkje å stanse denne spiralen. Det er farleg å auke mistillit. Høgre og Arbeiderpartiet bør besinne seg. 300 amerikanske marinesoldatar er med på å undergrave det gode naboskapet mellom Russland og Norge i nord.