Hasardspel med veg-milliardar
Det er samfunnsøkonomisk og miljømessig hasardspel å satse på fire stamvegar mellom aust og vest, slik regjeringa nå synest å gå inn for, i staden for å bygge eit prioritert (E 134) og eit alternativt (riksveg 52) hovudsamband mellom aust- og vestland. D ette er ikkje resultat av realistisk samferdselspolitikk, men av kjepphestar, serinteresser og lobbyverksemd, som set sentralpolitisk truverde i eit dårleg ljos. I tillegg er det heilt på tvers av Statens vegvesen sine faglege tilrådingar og det Samferdselsdepartementet tidlegare har slutta seg til, nemleg E 134 som eit prioritert stamvegprosjekt og riksveg 52 som sekundaer og alternativ stamveg.
Nå har Erna og co. stukke kjeppar i hjula for dette ved å køyre fram riksveg 7 over Hardangervidda som eit nytt stamvegalternativ, og da diverre truleg det som vil få høgste prioritet, og med E 16 over Filefjell som alternativ veg i dårleg ver. Riksveg 7 vil da gå til Bergen, og armen dit frå E 134 vil såleis henge i ein tynn tråd.
Dette betyr at «dødsvegen» gjennom Hallingdal vil mate inn til tre alternative fjellovergangar til Vestlandet, riksvegane 7 og
52 i tillegg til Hol – Aurland, og med det trafikkpresset som da vil bli på vegen gjennom Hallingdal. Alle desse vegane vil generere store anleggs- og driftskostnader, i staden for å satse på E 134 som ein hovudstamveg og riksveg 52 som alternativ stamveg.
Dessutan fører så mange nye hovudvegar til store naturinngrep på fleire stader, i staden for å konsentrere desse til faerre område. I tillegg må ein ikkje gløyme Bergensbanen som viktig bindelekk og transportåre, som burde utviklast vidare.
Regjeringa opererer saman med støttepartia respektlaust i høve til det internasjonale ansvaret Noreg har for landets største villreinstamme på Hardangervidda ved å satse på riksveg 7 som heilårs turist- og opplevingsveg, med hungrige turistar som drøymer om å oppleve villreinen på naert hald i sitt rette miljø. Både samferdselsministeren og klima- og miljøministeren bør sette foten ned mot det uforsvarlege krumspringet som nå har skjedd i stramvegsaka. kommune- og fylkespolitikar Miljøpartiet Dei Grøne