Halvor takkar sjukeh uset for livet
Som mange andre blei Halvor Kleppen ramma av kreft. – Eg takkar sjukehuset i Skien for livet, seier han.
Sundag 3. september rundar den kjende bøheringen 70 år, og han ser framleis lyst på livet.
– Alternativet er ikkje å føretrekkje, men eg ser jo skrifta på veggen, seier han muntert.
For tre år sidan slo sjukdomen ut, og i samband med den lovprisar han Sjukehuset Telemark.
– Eg hadde gått og hangla i fleire år. Det viste seg å vere kreft i tjukktarmen. Kirurgane i Skien gjorde ein fantastisk jobb, og det same kan eg seie om teamet med cellegiftbehandling på Moflata. For ein flott gjeng, så eg takkar sjukehuset for livet. Me bur i eit fantastisk land. Time Magazine kåra nyleg Noreg til verdas beste land for pensjonistar, seier Kleppen.
Bøheringen blei kjendis alt midt i 20-åra da han entra Nitimen. Dialekten hans skapte røre både i fine krokar på Frogner i Oslo og blant nynorskfolket.
Tøffe år
– Det kom krav til leiinga på Marienlyst om at eg måtte fjernast. Nynorskfolket var faktisk dei verste - dei ville at eg skulle snakke normert nynorsk. Hadde Ivar Aasen vore frå Svenseid, og ikkje Volda, ville dei fyrste åra i NRK vore enklare. Da var det ei god trøyst å vere vekependlar. Heime i Bø fekk eg mange klapp på skuldra for dialektbruken min, ler Kleppen.
For temmeleg nøyaktig 40 år sidan blei han tilsett i Telemarksendinga på Borgeåsen, med Bjørn Honerød som sjef, Arnulf Møllerstad som kollega i Porsgrunn og Bjørn Bø i Seljord.
– Eg var der i fem år og sa opp utan ny jobb. Da starta livet som frilansar, seier Kleppen.
Etterpå er det blitt ei rad TVproduksjonar med masse god reklame for Telemark, deriblant sendingar frå både kanalen og Bø Sommarland. Han laga mange underhaldningsprogram - til dømes Sommarteltet. Sidan blei det nesten 100 program om vintersport for TV Norge, før OL på Lillehammer.
Årets tv-namn
Profileringa på fjernsynet gjorde at han alt i 1982 blei kåra til årets TV-namn, der bøheringen er i selskap med mange andre kjendisar. Han var også med i Frøland-revyen på Chat Noir for mange år sidan - med 17 ulike sketsjar gjennom 151 framsyningar.
Kleppen blei tidleg invol-