Kommunalsjefen måtte forklare seg om truslar
– Bruk for all del ikkje truslar om politimote i n sju k e hei ms pasient.
Dette var bodskapen frå leiar Arne Storhaug da kontrollutvalet tysdag handsama saka med truslar mote i n sju k e hei ms pasient .90 år gamle Sverre Fiskaaen blei nem le gi sommar truga med politiet viss han ikkje flytta ut av ein korttidsplass som Bø kommune leigde i Sauherad.
Stadfesta truslar
Varden fortalde om saka i eit stort oppslag 13. august. Artikkelen førte til at kontrollutvalet tok tak i saka. Kommunalsjef Terje Kili måtte derfor forklare seg for utvalet tysdag om kva som hadde skjedd. Rådmann Åse Egeland var også til stades i møtet. Kili sa at dei hadde prøva å finne ei løysing.
– Slike situasjonar er ikkje bra i heile teke, sa kommunalsjefen. Han stadfesta nok ein gong at truslar om politi hadde blitt nytta som siste utveg for å få pasienten ut av heimen. Kili opplyste vidare at kommunen etterpå hadde tilbydd pasienten ein ny plass nokre dagar, og at saka løyste seg. Derfor blei politiet aldri tilkalla.
Utvalsmedlemmene meinte at Kili gav ei grei orientering om det som skjedde. Dei var glade for at både fylkesmann og fastlege blei kontakta på førehand.
Psykologisk side
– Det har vore uvanleg mange reaksjonar frå folk flest på bruken av truslar. Orienteringa frå kommunalsjefen er grei, men saka har ei psykologisk side. Er den lagt godt vekt på? spurde utvalsleiar Storhaug, som òg var ordførar i Bø gjennom 16 år.
– Bruk for all del ikkje truslar om politi. Det er kanskje ikkje heilt klokt å dra opp den konsekvensen og bruke slike formuleringar. Tidlegare er det blitt uttalt at folk på sjukeheimen lever for lenge. Dette skapte òg kraftige reaksjonar, sa Arne Storhaug.
– Slike saker er godt pressestoff, men eg er roa etter utgreiinga til Terje Kili, sa Ole Morten Aasgrav (Frp) som og meiner at ein må vere varsam med ordbruken.
Sekretaer i utvalet, Alexander Etsy Jensen, understreka at dette er ei utfordrande sak.
Ikkje avdekka feil
– Det er ikkje avdekka nokon feil, men eg håpar at administrasjonen har laert noko, sa Etsy Jensen. Samstundes sa han at det er viktig at media får fram alle fakta.
Venstre-representant Augon Eika synest dette er ei lei sak. Samstundes meinte han at for kommunen er det ikkje lett å handtere ein slik situasjon som oppstod på ein fredag ettermiddag i ferien.
Respekt
Heidi Røneid (Ap) understreka at kommunen må behandle folk med respekt og viste til verdiplakaten.
– Det har vore ein uheldig oppførsel frå kommunen, men det er ikkje gjort nokon feil. Det gjeld å tenkje seg litt om. Eg likar ikkje saka, sa Heidi Røneid.