Spela sidan 1955
Kjell Stundal spela for 64. gong på nasjonaldagen.
– Det har blitt ein livsstil. Eg synest det er fantastisk moro å spele i korps, seier veteranen i Bø ungdomskorps. Stundal spela fyrste gong det året han fylde ti år, nemleg i 1955. Debuten skjedde da i gutemusikken heime i Aurland i Sogn. Den gongen spela han trompet og kornett.
– Sidan har eg spela kvar einaste 17. mai. Eg tok vidaregåande utdanning og laerarskule i Bergen. På laerarskulen var det eige korps. Eitt år var eg i Amerika, da spela eg også på nasjonaldagen vår. Trompet har vore hovudinstrumentet, men no spelar eg valtorn, seier veteranen.
Også i Amerika
Sogningen slo rot i Telemark tidleg på 1970-talet. Han kom til ungdomsskulen i Sauherad og sidan til Bø. Som musikklaerar var han aktiv i opplaering av skulemusikken. I Bø var han med på å dra i gang skulemusikken, der Georg Brekke den gongen var ei eldsjel. Stundal har også bygd opp ungdomskorpset der han spela i år.
Fyrst gjekk han i barnetoget frå Bø skule til kyrkjene på Bøhaugen, så var det framføring i Sauherad, før konserten på Bø Torg om ettermiddagen. Stundal er også medlem av 17. maikomiteen, så feiringa var ikkje over før etter talarstemnet i Gullbring torsdag ettermiddag.
Alle med
– Var det vanskeleg å kombinere da du var småbarnsfar?
– Nei, det gjekk greitt. Alle barna var aktive i korpset, svarar bøheringen.
Han seier at når grunnopplaeringa er på plass, ser han fram til øvingane.
– Dette er ein fin hobby og me har eit godt sosialt fellesskap.
– Kjem du til å vere med så lenge du kan tygge graut?
– Ja, så lenge tenner og pusten er på plass. Å marsjere og spele er ei stor fysisk utfordring.
Aldri stoppa
– Korleis har det vore med vêret gjennom alle desse åra?
– Det er ikkje så ofte at me har hatt regn, to - tre gonger kanskje. Men det har aldri vore så mykje regn at me ikkje kunne spele, svarar Kjell Stundal.
Han har også vore aktiv på andre frontar - blant anna som kommunestyrerepresentant for Venstre i Bø og styreleiar i Norsk Bane. Stundal spela også ei nøkkelrolle ved etableringa av Gullbring Kulturanlegg, staden der den offisielle feiringa blei avslutta i Bø.