Heidra Haldis Moren Vesaas
Aasmund Nordstoga var sentral under den folkemusikalske framsyninga med lyrikk av Halldis Moren Vesaas.
Dei sju aktørane tok den godt besøkte Trysilhallen med storm under opninga av Landskappleiken 2018 onsdag kveld.
Dramatiske innslag
Framsyninga «Å vera i livet» baud på lyrikk, musikk og dans. Den byggjer på både kjende og mindre kjende dikt av lyrikaren som voks opp i Trysil, men som fann kjaerleiken i Telemark og flytta til Vinje. Framsyninga viser mennesket sin relasjon til både seg sjølv og andre, og baud derfor på dramatiske innslag. Musikken er eit bestillingsverk laga av folkegruppa «Fra de mollstemte skoger». Blant aktørane elles var mellom andre den spretne folkedansaren Martin Myhr, som har ei rad fyrsteplassar i lausdans på Landskappleiken.
Statsråden opna
Det var stor festivitas under opninga av landets eldste festival. Landskappleiken blir i år arrangert for 122. gong med kring 1.500 utøvarar og 5.0006.000 tilreisande.
Kulturminister Trine Skei Grande stod for den offisielle opninga. I tala opplyste statsråden at ho har vakse opp i ein heim prega av folkemusikk. Statsråden rosa den enorme dugnadsinnsatsen som blir lagt ned for å få gjennomført eit slikt arrangement. ▶ Halvor Ulvenes