Olav Vesaas får Storegutprisen
Olav Vesaas får i kveld Storegutprisen.– Veldigstas, seier vinnaren til Varden.
– Han får prisen for eit aktivt liv i teneste for litteraturen, både i skrift og tale. Han er framleis aktiv og har berre nytta nynorsk, seier Stein Versto som skal stå for overrekkinga under festkvelden i Edland. Den skjer i samband med Litteraturdagane som vart offisielt opna fredag.
30 år i NRK
Olav Vesaas - fødd i 1935 - var kulturmedarbeidar i NRK gjennom 30 år. Han har også vore forlagssjef i Det Norske Samlaget, og gjeve blant anna ut biografiar om foreldra Halldis Moren Vesaas og Tarjei Vesaas. I 2001 kom boka «Ein tankens haermann» om Aasmund Olavsson Vinje. Denne boka blei trykt i nytt opplag i samband med 200-årsjubileet for Vinje i år.
Ikkje tema
Det er Litteraturdagane i Vinje som deler ut Storegutprisen. Den delast ut til den eller dei som på ein positiv måte nyttar eit levande og ledig nynorsk. Prisen har namn etter diktsamlinga Storegut som Aasmund Olavsson Vinje skreiv i 1866. Prisen er delt ut årleg sidan 2002, og består av ein skulptur.
– Det er veldig stas å få prisen. Eg har brydd meg mykje om Vinje og skreiv saeroppgåve om han på skulen. Mor og far var opptekne av Vinje. Eg blir ikkje klok på han, sjølv om eg les stadig meir om mannen. Vinje var ei inspirerande urokråke i litteraturen, både da han levde og no, seier Olav Vesaas i ein prat med Varden.
Vinnaren har alltid bruka nynorsk.
– Med Halldis og Tarjei som foreldre, og oppvekst i Vinje, så var valet av språk opplagt, legg han til.
Munter opning
Det var direktør Åse Wetås i Språkrådet som hadde aera å opne årets utgåve av Litteraturdagane i Vinje. Ho peika på den formidable innsatsen Aasmund Olavsson Vinje la ned, og som gjer at nynorsk/landsmål blir bruka på alle område i dag. Ho viste òg til mange ord som han fekk inn i språket. Wetås skulle gjerne sett at ordet blindhug (fanatisme) blei teke i bruk.
Elles baud Ragnar Hovland på ei munter reiseskildring, og redaktør Per Magnus Finnanger Sandmark hausta solide klappsalver for presentasjon av boka Nynorsk litteraturhistorie. Solid applaus fekk også Robertas Lamsodis og Gabriel Fliflet for sine musikalske innslag.