UNWRA - ein skandale
Åge Eriksen «sprellar i garnet». Han vil ikkje diskutere apartheid meir. Derimot vil han heller styre diskusjonen inn på UNRWA, og takk for det. Her er det mykje grums å ta fatt i.
Palestinarane er dei einaste flyktningane i verden som har sin eigen FN organisasjon. Den blei oppretta hausten 1949 for eit år, men har no arbeidd i 70 år. Talet på flyktningar har berre auka frå 600. 000 til over 5 mill. Flyktningestatusen har gått i arv og er no både 2. 3. og 4. generasjon. I dag er det over 50.000 på lønningslista og budsjettet er på 7 milliardar kroner. Ingen flyktningar i verden har fått eller får så mykje hjelp som palestinarane.
Jødiske flyktningar, 870.000, vart jaga ut frå arabiske land i tida etter 1948. Desse miste alt dei hadde,men var glade til at dei redda livet. Desse høyrer me lite om. Dei fekk ikkje nokon støtte frå FN. Israel som var utarma etter krig og terror tok i mot dei fleste og ein del reiste bla. til USA. Dette flyktningeproblemet blei løyst raskt utan hjelp få FN.
Bortsett frå Jordan var det ingen andre araberland som gjorde noko som helst for å hjelpe sine eigne offer frå ein krig dei sjølve hadde starta. Dei andre araberlanda ville heller la sin sine trusfeller plagast på det verste for å plassere skulda på Israel, slik har det vori gjennom 70 år.
Etter at FN tok over byrja palestinarane å gravlegge sine døde om natta. Eit resultat av dette var at i nesten 20 år var dødsprosenten i mange leirar nesten 0. I tillegg var det mykje flytjing mellom leirane utan at det vart notert, slik at ein palestinar var oppført i fleire leirar. Dermed fekk dei meir stønad enn dei hadde rett til. Dette fortalde Yasser Arafats biograf, Said Aburish.
Så tidleg som i 1960-åra sette Israel i gang eit prosjekt for Gaza flyktningar ved å la dei bygge bustader i ledige område på den tidlegare egyptiske Gazastripa. Det var 160.000 palestinarar som budde i leirar som no kunne få gratis lån. Mange kunne vera med å bygge hus, infrastruktur, skular sjukehus m.m. For dette ville dei få løn og kunne betale ned låna og bli sjølveigarar.
PLO-leiaren Yasser Arafat sette straks ein stoppar for dette. Han klaga til Den arabiske liga som la press på FN som fordømde Israel for dette i ein resolusjon: Send flyktningane tilbake til leirane».
Tibor Mende i Le Monde skreiv at det ikkje er lov med noko tiltak som tek sikte på å integrere eller rehabilitere palestinske flyktningar. Dette er tragisk når ein ser korleis dei har det bl.a i Libanon utan statsborgarskap, utan røysterett, utan arbeid og utan noko form for omsorg frå styresmaktene.
Tibor Mende konkludera med at desse døma syner at FN heller vil bruke store pengesummar på å skape eit flyktningeproblem enn å løyse det. UNRWA er også ein politisk organisasjon som har tatt eit sterkt standpunkt mot Israel. På skulane i sjølvstyreområda, delvis betalt av flyktningeorganisasjonen står det på fagplanen: Elevane skal laere å vera martyrar, å demonisere og å fornekte eksistensen til Israel og fokusere på å vende tilbake eit palestinsk land.
Generalforsamlinga i FN styrer flyktningeorganisasjonen. Her er det det automatiske antiisraelske fleirtalet, leia av Den arabiske liga og Organisasjonen for islamsk samarbeid som rår. Dei vil ha det som i dag, slik at det ikkje blir nokon slutt for desse flyktningane.
FNs høgkommisariat har ein stab på berre 10.966 tenestemenn og kvinner og prøvar å hjelpe heile 65,6 mill flyktningar frå Kongo til Myanmar. I høve til UNRWA er dei effektive og får busett svaert mange slik at dei får ny start livet.
Så lenge som Vesten betalar blir det ingen løysing for palestinarane. Dei skal brukast i det store spelet om fri innvandring til Israel. Dette vil øydelegge den einaste jødiske staten i verda og den einaste demokratiske staten i Midt-Austen. Trump har heldigvis sett denne galskapen. Det har ikkje den norske utanriksministeren gjort. I år betalar Noreg over 200 millionar kroner.
Takk for at du tok opp denne saka Åge Eriksen.
Halvor Øygarden