USANNINGAR OM PELSDYR FRÅ TERJE AASLAND
▶ Under NOAHs fakkeltog mot pels i Oslo, var stortingsrepresentant Terje Aasland frå Arbeiderpartiet i Telemark blant hovudtalarane. Oppglødd av stemninga uttrykte han sin motstand mot «ville dyr i bur». Som pelsdyrbonde blir eg forundra og irritert over at han kan seie noko slikt.
Ved fleire høve har Aasland vitja meg på garden min. På garden har eg ku, sau, gris og mink. Aasland har til og med helsa på minken min, utan at dyra har verka redde. Til meg har Aasland sagt at han ynskjer ei konsesjonsgrense for pelsdyr, slik at pelsdyrnaeringa kan brukast til å
styrke landbruket i distrikta.
Det er eit underleg resonnement om han verkeleg meiner at dyra våre er ville. Ville dyr høyrer ikkje heime anten på små eller store gardsbruk. Sanninga er at pelsdyra er svaert godt tilpassa livet på pelsdyrgarden. I over 100 år har vi avla fram ei norsk pelsdyrstamme som er i verdstoppen i både dyrehelse og trivsel. Dyra let seg enkelt handtere, og sjukdom og skade er noko som knapt forekjem.
Eg er ein vanleg bonde frå Telemark som er van med å sjå folk i augo og å stå for det eg meiner. Ikkje gå bak ryggen på dei og snu kappa etter vinden avhengig av kven eg pratar til.
At landbruksminister Hoksrud slit med å hugse at kua har fire spenar er ein ting. At politikarar som Aasland talar med to tunger, er mykje verre.