Vinje får gjev pris for nynorsk

Vinje er blitt kåra til årets nynorskkommune av Kulturdepartementet. Prisen er på 100.000 kroner.

▶ Vinje kommune viser språk, meiner juryen.

Dette er søt musikk i øyro til ordførar Jon Rikard Kleven og assisterande rådmann Anders Sandvik som tok imot prisen i Oslo måndag.

Glade vinnarar

vilje til

– Veldig moro å sjå at andre ser vårt arbeid som viktig. Dette handlar mykje om identitet. Me legg vekt på at barna får ein trygg grunnmur, slik at dei brukar nynorsk seinare også om dei flyttar ut av kommunen. Me krev nynorsk i alle samanhengar, seier dei to stolte prisvinnarane.

Dei trur også at kommunen er blitt lagt ekstra merke til i år med markeringa av 200-årsjubileet for Aasmund Olavsson Vinje.

Utmerker seg

I eit fylke der nynorsk er under sterkt press, utmerker Vinje kommune seg som ein tydeleg nynorskaktør.

– Nynorsk er eit mindretalsspråk og treng eit saerleg vern. Det har Vinje kommune skjøna, seier Margrethe Kvarenes, seksjonssjef i Språkrådet, som har leidd juryarbeidet på vegner av Kulturdepartementet.

Godt og levande språk

«På sitt trygge kulturgrunnlag har årets nynorskkommune arbeidd strategisk og kreativt for å gjere nynorsken til eit godt og levande bruksspråk. Det går klart fram av både planar og resultat at Vinje kommune har vilje til språk», heiter det i den skriftlege grunngjevinga frå juryen.

Føregangskommune

Juryen legg vekt på at Vinje kommune er ein føregangskommune i arbeidet for å gje innvandrarar norskopplaering på nynorsk, og at kommunen har kravt nynorsk i felles profilering av Vinje som reisemål. Prisen er på 100 000 kroner.

Statssekretaer Jan-Christian Kolstø i Kulturdepartementet delte ut prisen på eit ope arrangement på Nasjonalbiblioteket måndag.

Las ny tekst

Tom Roger Aadland song Dylan på nynorsk, og Lise Fjeldstad las ein flunkande ny tekst av Jon Fosse. ▶ Halvor Ulvenes