Vettet har førebels sigra
Måndag sigra vettet - i alle høve inntil vidare - i Midt-Telemark formannskap. Med seks røyster mot ei blei det vedtatt å få utgreidd føresetnadene for at kommunalt eigarskap i Gullbring kulturanlegg - gjennom Bø kommunale eigedomsselskap AS - skal halde
Denne saers viktige saka skal endeleg avgjerast i kommunestremøte 3. februar neste år. For å gjera det klart: Intensjonsavtale mellom kommunen og Studentsamskipnaden i Sørøst-Norge (SSN), framforhandla av kommunalsjef Terje Kili og Samskipnad-direktør Hans Erik Stormoen, blir altså ikkje, slik det var lagt opp til, vedtatt - naermast som ei hastesak - i kommunestyremøte 9. desember.
Eg har stilt
spørsmål om korleis og når kommunalsjefen (med sjefen hans, kommunedirektør Åse Egeland i ryggen) fekk fullmakt av dei folkevalde i «gamle» Bø kommune til å forhandle på kommunens vegne. Utan å få noko fullgodt svar. Eg sa på eit folkemøte 20. november at Bøs poltiske leiing - formannskapet som skulle forvalte kommunens vel 90 prosent eigarskap i anlegget - har sett seg sjølv på sidelina. Utan å bli motsagt av den same leiinga.
Og eg konstaterer:
SSN har langt på veg diktert vilkåra i denne avtala, på vegner av Universitetet i Søraust-Noreg. Det går ut på billigsal på skarve 40 millionar kroner til SSN, medan anleggets tekniske verd, med uteområde, er vurdert til 238 millionar av autorisert takstfirma. Som nybygg ville det truleg hatt ein prislapp på minst 350 millionar.
Ingen skal fortelja
meg at Studentsamskipnaden, som ein kommersiell aktør, gir ved dørene. Så forteier da heller ikkje den mektige direktør Stormoen at han er saerdeles tilfreds med avtala - i ein kommentar til Bø blad: «Om kommunen vel å selje Gullbring til oss, så er det ikkje eit superpositivt reknestykke for kommunen. Me gjer ikkje dette for å vere supersnille...» Reine ord for pengane. Uvanleg frittalande frå leiaren for ein statleg institusjon som på sin skipnads vegne kan rekne med å innkassere så mykje som oppimot 14 prosent i avkasting. Ein profitt sjølv den mest suksessrike investor ville ha vore ovnøgd med...
SSN er så
storsinna å tilby Midt-Telemark kommune heile 9,9 prosent eigarskap i Gullbring kulturanlegg ved eit sal der dei sjølve sit med 90,1 prosent av aksjane. Altså: Bukta og begge endane.
Med fare for
å bli skulda for «name-dropping»: Det er ei imponerande rekke akta, skjønsame menn som nå har stått fram for å peike på det fornuftige - og realistiske i å behalde Gullbring i kommunal eige. Eg nemner - i alfabetisk rekkefølgje: Arne Baugerød, Asbjørn Botnen, Ingemar Bråten, Einar Fagerås, Per Fostervoll, Sigmund Haugen, Gunleik Hynne, Glen Isaksen, Jan Lepperød, Kjell Arne Lunde, Trygve Myrene, Arne Martin Prestrud, Peder Rekkedal, Per Simon Slettebø, Arne Storhaug, Terje Wold... Fleire kunne visseleg ha vore nemnt.
Eg har ei
oppmoding til dykk - 29 i talet - som møter i kommunestyret framover. De er valde for å representere folkeviljen. Det bygger ikkje på noka opinionsmåling. Men i denne saka er eg ikkje i tvil: Fleirtalet av innbyggarane i Bø og Sauherad, den nye Midt-Telemark kommune, vil at kommunen framleis skal eige sitt eige kulturanlegg.
I løpet av
nokre månader har eg vore til stades på to generalforsamlingar og eit såkalla informasjonsmøte, som på grunn av frammøtet godt kan kallast eit folkemøte. Alle innlegg eg har hørt - frå aksjonaerar og andre bygdefolk - har vore eintydige: Gullbring må halde fram i kommunal regi. Varden-journalist Halvor Ulvenes oppsummerer det så treffande 21. november: «Massiv skepsis til sal av Gullbring». Så sant som det er skrive.