Bok på dugnad
Telemark Historielag jubilerer med årsskrift nummer 40. Boka blir laga på dugnad.
– Artiklane er stort sett skrivne av fagfolk, men me opnar også opp for andre bidrag. Boka er er eit resultat av årets seminar om laerarutdanning, seier redaktørane Ellen Schrumpf og Nils Ivar Agøy.
Fyrste varige
I 1819 blei laerarutdanninga etablert i Noreg. Den fyrste varige laerarskulen i landet, Kosaskulen, blei sett i gang i Kviteseid, og den var i drift i 70 år - til 1889.
- Der var det gode laerarkrefter som trekte til seg gløgge bygdefolk, seier Ellen Schrumpf. Ein av desse var Aasmund Olavsson Vinje. Olav Solberg skriv i ein artikkel at «Osmund
Olsen» frå Vinje, 17 år, har fått undervisning i tre månader 1834, 1835 og 1836.
Nasjonalskalden
Solberg fortel at den seinare nasjonalskalden stod øvst på kyrkjegolvet heime i Vinje - naermast alteret og presten. Det var eit vanleg uttrykk for teoretisk kunnskap, laerdom og blei sett på som aerefullt, skriv Olav Solberg i artikkelen.
Der heiter det elles at det verkar som Vinje var godt fornøgd med studieopphaldet på Kosaskulen - og viser til eit sitat frå Drammens Tidenede i 1857: «De flinke Skoleholdere fik her en Vaekkelse og Antydning, som de siden paa egen Haand efter Lyst og Leilighed kunde drive videre.»
Elles inneheld boka artikkel av Helge Meland om laerarutdanninga i Grenland. Anne Haugen Wagn skriv om Olea Crøger sitt liv og virke i Vest-Telemark og Ellen Rodvang brettar ut soga om kokeboka til Gurine Carlsen frå Skien, for å nemne nokre av innslaga i den nye boka frå Telemark Historielag. Laget held neste års seminar på Rjukan i slutten av april, med freden i Telemark som tema.