Full strid om salet av Gullbring
– Bukken passar havresekken, skriv Terje Wold og Kjell Arne Lunde i eit lesarbrev. – Uryddig og uaerleg kritikk, svarar kommunalsjefen.
– Det er eit samrøre mellom administrasjonen og naerståande aksjeselskap i spørsmålet om sal av Gullbring Kulturanlegg, skriv de i lesarbrevet.
Wold er tidlegare styreleiar i Gullbring. Lunde er styreleiar for Midt-Telemark Naeringspark, der Bø kommune er aksjonaer. Lunde var tidlegare toppsjef i Porsgrunn Utvikling.
Det er eit lesarbrev til Varden måndag ettermiddag at Lunde og Wold kjem med saftig kritikk av kommunedirektøren for handteringa av saka om salet av Gullbring. Dei skriv at saka har kome skeivt ut sidan starten fordi det er blitt eit samrøre mellom Bø Kommunale Eigedomsselskap (BKE) og den administrative leiinga i nye Midt-Telemark kommune. Dette eigedomsselskapet er ein av dei aktuelle kjøparane. Wold og Lunde spør korleis dette alternativet kan vere vurdert objektivt når BKE samstundes har vore ein part i saksframstillinga til kommunedirektøren.
Snudd på hovudet
Wold og Lunde viser til at BKE meiner ein kommunal garanti er nødvendig med BKE som kjøpar av Gullbring. Wold og Lunde meiner at saka er snudd på hovudet.
– Det må vere eigar som stiller krav til eit slikt selskap — og ikkje omvendt. Eit kommunalt selskap bør ikkje ha problem med å ta vanleg risiko som er normalt for eit eigedomsselskap, heiter det i lesarbrevet. Wold og Lunde meiner at med langsiktige leigeavtaler er kommunal garanti unødvendig.
Kan selje
Lunde og Wold slår til orde for at BKE kan selje Europrisbygget, kroa og studentbarnehagen for å frigjere kapital til kjøp av Gullbring. Dei meiner at ved at
BKE blir eigar av Gullbring, vert ein herre i eige hus.
Dei viser elles til at Midt-Telemark har mål om å bli ein av dei leiande kulturkommunane i landet.
– Me kjenner ikkje til andre kommunar i Telemark som har selt kulturhuset sitt — me må ikkje bli den fyrste, skriv innsendarane.
Kommunalsjef Terje Kili reagerer kraftig på lesarbrevet. Han kommenterer saka på vegner av både kommunen og Bø kommunale eigedomsselskap.
– Lunde og Wold dreg i tvil integriteten til toppsjefen i BKE. Dette er uryddig og uaerleg. Han er sjef både for BKE og Stiftelsen for utleigebustader. Sjefen i BKE har stilt seg til rådvelde utan ekstra godtgjering, seier Kili, som finn det heilt naturleg at BKEsjefen er med i prosessen.
Sjølvstendig ansvar
Terje Kili seier at styret i BKE, som har kravd kommunal garanti, har eit sjølvstendig ansvar for forsvarleg drift av eigedomsselskapet.
– Gjelda til BKE er 64 millionar kroner og eigenkapitalen beskjeden. Med kjøp av Gullbring og oppgradering av vil gjelda auke mykje. Overskotet i selskapet skuldast i stor grad inntektene frå bortleige av Europrisbygget, seier Terje Kili.