Kan tape ti mill. på korona-krise
Rauland Skisenter kan få eit brutto tap på kring ti millionar som følgje av virusutbrotet. Høgfjellshotellet i bygda mistar ein million i tapte inntekter berre denne helga.
▶ Kristin Larsen og Rauland skisenter kan tape opp mot ti millioner kroner som følge av viruskrisen.
▶ Bare i helgen renner det ut én million på Rauland høgfjellshotell.
– Situasjonen er så trist og lei. Eg har kring 100 tilsette som no blir permitterte. Det er frykteleg vondt. Alt er stengt med umiddelbar verknad. Eg har ikkje fått rekna på konsekvensane, men tapte bruttoinntekter kan nok vere på rundt ti millionar kroner, opplyser Kristin Larsen til Varden.
Veldig viktig
– Situasjonen for er veldig dramatisk og med store konsekvensar. Berre påska betyr nok tapte inntekter på mellom fem og ti millionar kroner. Den høgtida er veldig viktig for oss. Totalt mistar me 5,5 veker med omsetning. No på fredag er med i gang med å rigge ned heile anlegget vårt. Selskapet har mange gjester i hus, og det må rydde i skisenteret, seier Kristin Larsen som har fleire alpinanlegg og hundrevis av overnattingssenger på anlegga sine.
Svaert spent
– Eg har full respekt for stenginga. No er det helsa som må kome i fyrste rekkje. Me må vere med på den nasjonale dugnaden, men eg er veldig spent på den økonomiske pakka med tiltak frå regjeringa. Eg følgjer nøye med i media, men no må me ta ein ting om gongen. Det er nok av arbeidsoppgåver her i dag, seier Kristin Larsen.
Solid firma
Ho leiar ei solid verksemd. Rauland Skisenter – som omfattar både skibakkar, utleige, overnatting osb. – omsette i fjor for vel 54 millionar kroner. Selskapet hadde eit overskot før skatt på 3,3 millionar kroner – og ein bokført eigenkapital på heile 41,5 millionar kroner i bedrifta som har ein samla kapital ved inngangen til 2020 på rundt 64 millionar kroner.
Milliontap
Situasjonen er også svaert dramatisk for Kristian Samnøen på
Rauland Høgfjellshotell.
– På to dagar i denne helga tapar eg inntekter på ein million kroner. Eg skulle bevise ta det går an å drive eit sjølvstendig hotell utan tilknyting til kjede. Me har fått ein god start i år, og så kjem dette når me har fulle hus framover. Eg har også fått forskotsbetaling frå ein kunde på 200.000 kroner som eg no må sende tilbake. Inntektene i desse månadene med overskot skulle me leve av seinare i år, seier Samnøen.
Godt dekka
Midt oppe i det heile har hotelldirektøren òg litt galgenhumor.
– Me har i alle fall nok mat og drikke. No har me kjøpt inn varer for 1 million kroner. Leveringane kom i går, og me kunne ikkje stanse bilane. Fakturaene dukkar opp om 14 dagar. No blir eg åleine her på 10.000 kvadratmeter, og får god tid til å tenkje over konsekvensane, avsluttar hotelleigar Kristian Samnøen i Rauland.