Millionar til krisebedrifter
Vinje formannskap tilrår å bruke fem millionar kroner på ei krisepakke for naeringslivet.
Rådmannen får fullmakt til å løyve inntil 150.000 kroner. Beløp ut over dette krev politisk handsaming. Midlane er tiltenkt bedrifter i krise som ikkje får hjelp nokon annan stad.
Pengane skal hentast frå naeringsfondet, men før utbetaling må kommunestyret handsame saka.
Dramatisk auke
I formannskapet torsdag kom det fram at arbeidsløysa har auka dramatisk. Kommunen låg på botnen i fylket med 0,7 -1 prosent ledige. No er 12,5 prosent av styrken – eller 253 personar – utan jobb i Vinje, ifølgje siste oversikta.
Livsverk på spel
– Heile livsverk står på spel, sa naeringssjef Knut Martin Edland under handsaminga. Naeringsfondet i kommunen er på 12,5 millionar kroner. Kommunen droppar bygging av brannstasjon, og får dermed også ein ny reserve på ytterlegare tolv millionar kroner
Nils Ole Lien (Sp) sa at kommunen har kome i ein vanvitig situasjon.
– No må me vise handlekraft. Det kjem ei tid etter dette, og me må hindre at fleire bedrifter går «på dunken». Kommunen må hjelpe dei som ikkje blir fanga opp sentralt, sa han.
Ane Killingtveit, også Sp, spurde om fem millionar kroner ikkje er i minste laget. Ho viste til at det er forskjell på bedrifter, og at reiselivet treng større beløp.
Ein start
Naeringssjefen svara at fem millionar kroner er ein start, men langt frå nok.
– Eg håpar dei sentrale pakkene er så gode at me slepp å løyve meir, men heller kan bruke tida på å rettleie bedriftene i statlege ordningar, sa Knut Martin Edland.
Andre tiltak
I møtet kom det også fram at som kan det mellom anna bli aktuelt å forsere prosjekt for å få opp aktiviteten. Fornying av heisanlegg i både Vågslid og Rauland var andre tiltak som blei nemnd for å skape meir fart i hyttekommunen.