Mot kjempesmell for Dyrsku-bygda
Dyrsku´n avlyst for fyrste gong på 154 år
▶ Dyrsku´n er avlyst for fyrste gong på 154 år. Alle andre arrangement på den tradisjonsrike plassen i år er også stoppa på grunn av pandemien. – Samla tap av inntekter naermar seg ein milliard kroner, seier Dyrskusjef Geir Helge Espedalen.
– Ein veldig trist dag, seier Dyrskusjef
Geir Helge Espedalen og marknadsleiar Yvonne Eilefstjønn der dei står på den tomme fesjåplassen i Seljord.
Bakgrunn for avlysinga av den store folkefesten i september er krav frå styresmaktene om avstand på ein meter på grunn av smittefaren med Covid-19.
Ikkje forsvarleg
– Det vil ikkje vere forsvarleg og mogleg å gjennomføre arrangementet med desse reglane. Det er uverkeleg å gå til avlysing, men me tek vår del av samfunnsansvaret. No rettar me blikket mot 2021. Da skal det bli ein kjempeflott dyrsku, seier Espedalen.
Slik er tapet
Den tradisjonsrike staden, med 180.000 til 190.000 besøkande i løpet året, får ikkje ein einaste gjest i 2020.
Dyrsku`n åleine gjev vanlegvis eit besøk på 80.000 - 90.000 menneske. I tillegg er både Seljordfestivalen og Countryfestivalen avlyste saman med ei rad andre arrangement.
– Me gjorde undersøkingar blant utstillarane i 2015/2016. Tala da viste at dei omsette på Dyrsku`n for over 500 millionar kroner. Omsetningstapet for Dyrskuplassen blir samla på kring 70 millionar kroner. I tillegg syner tal innhenta frå Telemark Naeringshage at koronakrisa fører til redusert omsetning i lokal handel på 300 millionar kroner, opplyser Espedalen og Eilefstjønn.
Utanfor gjerdet
Yvonne Eilefstjønn fortel at ei undersøking syner at kvar gjest på Seljordfestivalen og Countryfestivalen
i snitt legg igjen kring to tusen kroner utanfor Dyrskuplassen. Espedalen estimerer dette åleine til kring 30 millionar kroner.
Han viser elles til at elleve av dei tilsette i hans organisasjon er permitterte som følgje av pandemien.
Viktig for klubbane
Mange friviljuge organisasjonar får òg å svi for avlysingane.
- Dyrsku`n genererer kring ti millionar kroner til lokale og regionale lag/foreiningar. Det er ein stor bonus at det me
driv med gjev ringverknader i form av sårt tiltrengte kroner til mange klubbkasser der ute. Eg reknar med at staten kjenner si besøkstid og kjem med kompensasjon som følgje av avlysingane, understrekar Geir Helge Espedalen.
Tapar millionar
Atle Bringsås driv Rema 1000 i Seljord med ei årsomsetning på om lag 70 millionar kroner.
– I juli reknar eg med at me får eit netto tap som følgje av avlysingane på rundt ein million kroner i veka - det vil seie rundt fire millionar kroner. Dyrsku`n gjev også ei netto omsetning for oss på rundt ein million kroner - totalt fem millionar kroner netto for juli og den aktuelle veka i september. Inkludert moms naermar beløpet seg sju millionar kroner. For oss er dette svaert mykje pengar, seier kjøpmann Atle Bringsås. Han understrekar elles at i ei slik bygd er ein svaert avhengig av kvarandre.
Store konsekvensar
Ordførar Beate Marie Dahl Eide (Sp) peikar på at bygda har mange heilårs arbeidsplassar i handel og reiseliv knytt til aktivitetane på Dyrskuplassen.
- Konsekvensane for samfunnet vårt blir store og Seljord blir saers hardt ramma. Tapet i lokal handel blir neppe mindre enn 300 millionar kroner. Utan kompensasjon frå sentrale styresmakter er det krise. Fleire bedrifter har 30 prosent av årsomsetninga knytt til Dyrskuplassen, seier bygdas politiske sjef.