Avlysinga av Dyrsku’n gir kraftig smell
– Vårt hotell tapar mellom 750.000 og ein million kroner på avlysinga, seier Johan Straand i Vrådal. Det gamle familiehotellet Straand hotell, med tradisjonar frå 1864, ligg 2,7 mil frå Dyrskuplassen i Seljord. Straand fortel at vanlegvis har bedrifta hatt vanskar med å skaffe nok senger under folkefesten i september. Også i år låg det an til fulle hus.
1.000 personar
– Med dei to hotella våre og leilegheitene har me kapasitet til å ta imot 1.000 personar i døgnet. Etter meldinga om at det ikkje blir fesjå rasa avbestillingane inn. For oss vil tapet på at det ikkje blir dyrsku liggje på mellom 750.000 og ein million kroner, fortel Johan Straand,
Større omsetning
Det er mest utstillarar som leiger seg inn under Dyrsku'n. Straand opplyser at einskilde større maskinfirma bestillar svaert mange rom.
– Det blir gjerne også ein del representasjon og tilleggsinntekter med større omsetning i blant anna i baren. Dyrsku'n gjev inntekter i meir enn dei tre dagane. Folk kjem før arrangementet i samband med montering av stand og fjerning av denne etter arrangementet. Trøysta for oss er at folk reserverer rom for Dyrsku'n neste år, seier Straand.
Ikkje eit øre
– Får den kompensasjon Dyrsku-tapet?
– Ikkje eitt øre. Me kjem ikkje inn under den ordninga, svarar Johan Straand.
for