Han er rik ast
Bilkongen Egil Funnemark er rikast i Telemark.
Halvor Ulvenes
▶ TELEMARK
Det viser skattelistene som vart offentleggjort tysdag morgon.
På toppen
Egil Funnemark har ein skattbar formue på nesten 375 millionar kroner. Det er over 90 millionar høgare enn nestemann på lista, Børre-Nordheim Larsen. Bilforhandlaren frå Porsgrunn hadde også ei inntekt på vel 14 millionar kroner og betalte heile 7,7 millionar kroner i skatt.
Den mediesky industrimannen Børre Nordheim-Larsen, busett på garden Kovesand på Møsstrond i Vinje, er ført opp med 281 millionar kroner. Han hadde ei skattbar inntekt på 919.000 kroner og betalte kring 2,7 millionar kroner i skatt. På tredjeplass ligg Carl Diderik Cappelen, mannen som eig Ulefos Jernvaerk. Cappelen har ein formue på 236 millionar kroner og inntekta i fjor var 11,9 millionar kroner. Den personlege skatten hans utgjorde 5,2 millionar kroner.
Slo seg opp
På fjerdeplass ligg Skiensmannen Gjert Romnes. Han har gjort det skarpt med bildelar og formuen er snart oppe i ein kvart milliard kroner.
Vinje er godt representert på lista over dei 100 rikaste i Telemark. På femteplass finn me Arne Skogheim frå Edland. Han starta karrieren som ingeniør i anleggsbransjen hjå Ing. F. Selmer i 1975. Han tok også økonomiutdanning, og var ein av eit 30-tals tilsette i dette firmaet som starta AF-gruppa for 35 år sidan.
Skogheim kjøpte den gongen aksjar for 45.000 kroner, noko som openbert er blitt ei god forretning. Den skattbare formuen i 2019 låg på naer 190 millionar kroner.
Har yngla
På neste plass ligg 90 år gamle Emil Aubert, den mektige mannen i Holta-gruppa i Skien som gjennom fleire tiår har lagt stein på stein med mange gullkanta aksjeinvesteringar. Emil Aubert tok i 1968 over styringa av selskapet. Den gongen var kontantbehaldninga til Holtagruppa på 25 millionar kroner, så ringreven i Gydas gate, no over 90 år gamal, har verkeleg fått millionane til å yngle. Aubert hadde null i inntekt i fjor, men betalte kring halvannan million i skatt.
Rikaste kvinnene
Holta-gruppa er også godt representert elles. Annette Aubert, dotter av Emil Aubert, er den nest rikaste kvinna i fylket. med 71 millionar kroner i formue i 2019. Marit Olea Boseth Johansen står oppført med to