Ver til besvaer!

Nesten heile siste sida til Varden handlar om veret, eit populaert tema i eit langstrakt land med mykje ver. Dagleg tar eg for meg denne verspalta, til glede og irritasjon, og her er litt av det som eg har lyst til å lufte med dei ansvarlege for denne versida.

I dag (16. juli) sto det at Gvarvnes hadde 26.0 grader dagen før, enda meterologen sa på radioen at Gvarv hadde over 29 grader. Her har eg ein mistanke om at dei tala som blir presentert ikkje er for i går, men dagen før. Dette har eg merka meg gong etter gong.

Kva er så nes eller li? Truleg er det lokale stadnamn som Nes i Sauherad og Li i Høydalsmo eller Møsstrond, men da må dei skrivast med stor bokstav! Derimot bør Haukeli testfelt og Notodden flyplass ha liten bokstav.

I går var Vaagsli kaldast i fylket, men etter namnelova skal geografiske namn skrivast me å, altså Vågsli. I slektsnamn kan sjølvsagt dobbel a brukast.

Til slutt Øysteinnatten, 1174 moh, som torsdag 8. juli visstnok hadde mest vind, var kaldast og hadde mest nedbør. Som mangeårig Lifjellvandrar er eg litt stolt av at denne populaere toppen har blitt ein favoritt for metereologane med sitt ekstremver, men eg trur nok at folk i Tinn undrar seg over at Gaustatoppen med sine 1883 moh ikkje kan måle seg med Øysteinatten i vindstyrke. Telemarks høgaste topp er svartelista på denne sida.

Kor mange målestasjonar ein kan velje i når ein skal formidle desse verdata, hadde også vore interessant å få veta. Det er Metereologisk institutt som leverer faktatala som avisene nyttar seg av. Kanskje det er samarbeidet her som er problemet? Telemarksendinga snakkar kvar dag med ein metereolog. Kvifor ikkje drøfte nokre av desse spørsmåla i morgonsendinga?

Halvor Gåra, Bø