Anu-ano ang mabuti at masamang epekto ng beer sa kalusugan?
SA panahon ng kasayahan kapag tag-init, may ilang bagay na mas makakapagpalamig ng katawan na dapat isaalang-alang kaysa sa paglagok ng ice-cold beer. Pero, ano nga ba ang mangyayari sa iyong katawan sa paglagok nito? Nakakaapekto ang pag-inom ng beer mula sa utak hanggang sa iyong blood sugar levels.
Maaaring alam mo na ang kahulugan ng “moderate” alcohol consumption, ayon sa Centers for Disease Control and Prevention – hanggang sa isang tagay ng alak sa isang araw para sa babae, at hanggang dalawang tagay sa isang araw para sa lalaki – at ang labis na pag-inom ay maaaring magdulot ng peligro sa iyong kalusugan. Ngunit ano ang mangyayari sa iyong katawan pagkaraan ng isang oras matapos uminom ng beer?
Mayroong dahilan kung bakit nakare-relax ang pag-inom ng beer – ayon sa isang pagaaral noong 2003 na inilabas sa journal ng Neuropsychopharmacology. Napag-alaman na bago mo maramdaman ang pagkahilo o pagkalasing, ang paglagok sa beer ay naglalabas ng kilalang feel-good hormone na dopamine. Nagpapagaan ito sa reward centers sa utak, kaya ninanais ng ibang tao na dagdagan ng isa pa ang iniinom… at ng isa pa.
Bagamat hindi ka naman sasabit agad sa chandelier ng restaurant matapos inumin ang isang bote ng beer, magsisimula nang mawala ang iyong pagiging mahiyain. “You get more garrulous, talk a lot more, and are more likely to make a social interaction, such as going over to a colleague you’ve been wanting to meet and introducing yourself,” sabi ng National Institute on Alcohol Abuse and Alcoholism director na si George Koob, PhD sa Yahoo Health. “That’s why it’s a social lubricant.”
Kaya sino man ang nakaranas nang malasing, alam nang kapag nagpatuloy ka sa pag-inom, ang nararamdaman mong pagkawala ng hiya ay tutungo sa impulsiveness (pagsayaw sa bar) at risktaking na pag-uugali (kaya kilala rin ang alcohol bilang “liquid courage”). Pero binigyang-diin ni Koob na ang unang epekto ng pag-inom ng isang bote ng beer ay mas emosyonal at cognitive. Kaya nasa iyo kung gugustuhin mo pa ang maraming rounds at magkaroon ng drama. Ayon kay Koob: “Where people are very happy and garrulous and then they start getting teary and complaining about their boyfriend or girlfriend” – at magsisimula na ang alcohol na magkaroon ng pisikal na epekto, ginugulo ang iyong balance at coordination.
Ang epekto ng alak ay nakabase sa iba’t ibang factors, kasama rito ang kasarian at timbang. Pero sa pangkalahatan, mas nakakaapekto ang alak sa kababaihan kaysa sa kalalakihan. “Females tend to get more intoxicated than males from the same dose mainly because of the distribution of body water and body fat per kilogram,” paliwanag ni Koob. “Females tend to have less body water than males and tend to get 30 to 40 percent more intoxicated than men with the same dose.”
At oo, may dahilan kung bakit mas mabilis makalasing ang pag-inom ng alak kung walang laman ang tiyan (o walang kasabay na paginom ng tubig). “If you’ve had a meal and are drinking alcohol during the meal, you’ll have much slower absorption rate,” sabi ni Koob. “If you’re dehydrated, on an empty stomach, and are drinking alcohol, you’ll get a faster absorption and a much more dramatic high from intoxication in the short-term.”
Hindi imahinasyon lamang na napapadalas ang punta mo sa banyo habang napapadami ang inom mo ng beer. “Alcohol inhibits antidiuretic hormones, so like coffee, you’ll go No. 1 more often while you’re drinking alcohol,” sabi ni Koob.
Ngayon, ano ang maaaring maging pangkalahatang epekto sa kalusugan kung ikaw ay iinom ng isang bote ng beer araw-araw sa loob ng mahabang panahon? Kataka-taka na makaiiwas kang magkaroon ng bato sa kidney: natuklasan kasi sa isang pag-aaral na inilabas sa American Journal of Epidemiology na ang bawat bote ng beer na iniinom ay nakababawas ng 40% na peligro na magkaroon ng kidney stones.
At kung ang wine ang nakakakuha ng papuri sa naibibigay na benepisyo sa kalusugan ng iyong puso, ayon sa pag-aaral ng Journal of Agricultural and Food Chemistry, maaaring magkaroon din ng mabuting epekto ang beer. Kung sinasabi ng ibang eksperto na masama sa iyong puso ang labis na pag-inom ng alak, ipinakita naman sa pag-aaral na makatutulong sa mga lalaking may coronary artery disease ang pag-inom ng isang 12-ounce na beer bawat araw sa loob ng isang buwan at maaaring makabawas sa peligro ng heart attack. Ang dahilan: Puno ng antioxidants ang beer (sino ang may alam?) at mayroon ding anti-inflammatory.
Iminumungkahi rin ng isang animal research na ang sangkap sa sudsy stuff ay maaaring magpalakas ng brainpower. Sa pagaaral na inilabas sa journal na Behavioral Brain Research, natagpuan na ang flavonioid sa beer na xanthohumol ay maaaring makabuti sa cognitive function. Nakita rin sa ibang pag-aaral na ang pag-inom ng isang bote ng beer sa isang araw ay maaaring mainam sa paningin. Paano: Ang antioxidants sa beer ay nakakatulong para labanan ang libreng radicals na nakakasira ng cells sa mata, nakakabawas ng 50 porsiyento sa peligro ng katarata. Hanggang sa gastos patungo ng tatlong beer. Pero mababalewala ang eye health benefit kung aabot sa tatlong bote ng beer ang iinumin mo araw-araw.