Vitamin K, malaking tulong sa mga sanggol
ANO ang pagkakapareho ng Vitamin K at immunization? Sa totoo, wala – pero hindi ito makapipigil sa mga magulang para tumanggi sa lifesaving na pagpapagamot sa kanilang bagong silang na anak. Marami nang diskusyon tungkol sa immunizations nitong mga nakaraang taon, at ito ang isa sa peligrosong kahihinatnan: Kapag tumanggi ang magulang sa bakuna matapos mapanganak ang kanilang anak, tumatanggi na rin sila nang hindi sinasadya sa vitamin K.
Mahigit kalahating siglo nang naging pamantayan ang pagbibigay sa mga sanggol ng iniksiyon na may vitamin K sa unang oras ng kanilang buhay. Alam ng pediatricians na ang vitamin K ay importante sa mga sanggol para huminto ang pagdurugo, at ang mga sanggol na ipinanganak ay mababa ang vitamin K.
Ang mga sanggol na hindi nainiksiyunan ng vitamin K ay may peligrong sumapit sa nakamamatay na kondisyon: vitamin K deficiency bleeding of the newborn ( VKDB). Mayroong dalawang uri ang VKDB: early onset at late onset. Sangkot sa early onset VKDB ang pagdurugo sa mga unang araw ng buhay at maaaring magmula ang pagdurugo sa circumcision site o sa umbilical cord stump. Maaari namang mangyari ang late onset VKDB mula sa ikaapat hanggang ika-12 linggo ng buhay, at madalas na nangangahulugang internal bleeding.
Si Dr. Karyn Kassis, pediatric emergency medicine physician sa Nationwide Children’s Hospital in Columbus, Ohio. at ang kanyang kasamahan ay naglabas ng case study kamakailan sa The Journal of Emergency Medicine na nagdedetalye ng kaso tungkol sa 10-linggong gulang na bata na ginamot nila sa emergency department sa Nationwide Children’s Hospital na nasuri na may late-onset VKDB.
Idinulog ang sanggol na dalawang linggo nang nasa maselang kalagayan at buong araw na may dugo sa dumi. Maputla ang bata ayon sa eksaminasyon. Dahil dito, nagsagawa sila ng kumpletong blood count na nagresulta na labis na mababang red blood cell level at walang kakayahang mag-clot ang dugo.
Natuklasan nila na ang sanggol ay nakakaranas ng intracranial bleeding (pagdurugo sa bungo), at ang kanyang magulang ay tumanggi ng “all shots” nang siya ay ipanganak. Nagkulang ang sanggol ng mahalagang vitamin K at nagdurugo sa kanyang utak.
Ang ganitong kaso ay agad nilang iniiniksiyunan ng vitamin K, at sa loob ng 24 oras ay huminto ang pagdurugo. Nakita sa mga kasunod na scan na wala nang ibang internal bleeding, at humupa na ang mga sintomas. Ito ang naging oportunidad para paalalahanan ang mga magulang kung bakit mahalaga ang vitamin K shots.
Hindi bakuna ang vitamin K Inirerekomenda nila na ang lahat ng bagong silang na sanggol at bata ay mabakunahan ayon sa patnubay na ibinigay ng American Academy of Pediatrics (AAP). Pero para sa magulang na maaaring nagaalinlangan sa pagbabakuna, mahalaga na malaman na ang vitamin K shot ay hindi bakuna. Wala itong immune properties o kung ano pa man at dapat hindi mapasama sa ibang bakuna.
Ligtas at mahalaga sa mga sanggol ang iniksiyon ng vitamin K. Ligtas din ang lahat ng bakuna, kahit na pinupunang hindi maaaring gamitin sa iniksiyon na ito dahil naglalaman lamang ito ng vitamins. Nakakakuha ng vitamin K ang matatanda sa mga pagkain, madalas mula sa berde at mga dahong gulay tulad ng kale, spinach at herbs. Ang problema, kahit gaano pa karami ang kaining mayaman sa vitamin K, hindi pa rin ito tutungo sa placenta ng mga nagdadalantao. Kaya ang mga sanggol na hindi pa ipinapanganak ay hindi nakukuha ang benepisyo ng vitamin K mula sa kanilang ina.
Kaya, pagkapanganak, may pagsusuri na nagpapakita na ang breastmilk ay nananatiling may maliit na vitamin K mula sa diet ng ina, kaya hindi nakakapagbigay na sapat na vitamin K ang pagpapasuso sa mga sanggol. Hindi nakakakuha ng maayos ang stomach at intestines, kaya ang oral doses at formula ay hindi epektibo kumpara sa shot.