Karen Davila, nakipagsagutan sa basher
NA BA-BASH ngayon sa social media si Karen Davila at pinagbibintangang “biased, “bayaran,” at “yellow journalist” ng pro-Duterte netizens.
Nagsimula ito dahil sa kanyang tweet tungkol sa stand ni Pangulong Rodrigo Duterte sa sigalot ng Pilipinas at ng China sa Scarborough Shoal sa West Philippine Sea.
Sa Twitter, nag-react si Karen sa headline ng isang broadsheet na nag-quote kay Pangulong Duterte sa sinabi nitong walang magagawa ang Pilipinas kung gusto ng China na magtayo ng monitoring stations sa Scarborough Shoal, na tinatawag ding Panatag Shoal.
Ani Karen sa kanyang tweet: “...but we don’t have to hand it to China on a silver platter.”
Isang netizen (@ loverbogs) ang sumagot, na hinikayat ang mga DDS, o die- hard Duterte supporters, na kuyugin ang social media account ni Karen.
Tinawag pa nitong “biased,” “bayaran,” at “yellow journalist” ang Bandila anchor.
Sumagot dito si Karen, at tinawag na “sick” ang netizen.
Paliwanag pa niya, may mga kaibigan siyang sumusuporta kay Duterte, pero nagrerespetuhan sila kahit magkaiba ng opinyon.
Tweet ni Karen: “Gosh... you’re sick. I have met supporters of the President who agree to disagree. I challenge a point... bayaran kaagad?”
Hindi ito ang unang akusasyon ng mga tagasuporta ni Pangulong Duterte kay Karen ng pagiging “biased” sa social media.
Noong Abril 2016, ilang linggo bago ang presidential elections, may netizens na nag-akusa sa news anchor na bias siya, dahil ang mga pinakamahihirap na tanong ay ibinato raw niya kay Duterte sa ginanap na presidential debate.
Bilang depensa, nagkomento si Karen sa social media rin, na leading presidential candidate si Duterte noon at kaya nitong sagutin ang mahihirap na tanong.