PH athletics, kumpiyansa sa SEA Games
TATAMPUKAN nina Filipino-American ace tracksters Eric Cray at Kayla Anise Richardson ang 38-man Philippine track and field team na sasabak sa 29th edition ng Southeast Asian (SEA) Games sa Kuala Lumpur, Malaysia sa Agosto 19-31.
Sina Cray at Richardson ay kapwa defending champion sa men’s and women’s 100 meters na napagwagihan nila sa Singapore edition noong 2015.
Idedepensa rin ni Cray ang 400 m hurdles title na naitala niya sa record-breaking feat. Si Cray ay isa sa pitong atleta na nakapanalo ng dalawang event sa 2015 SEAG.
Bukod sa dalawang event, sasabak din si Cray sa Kuala Lumpur, sa 4x100 at 4x400 meter relays, habang si Richardson ay nakalista rin sa 200 meters, 4x100 at 4x400 relays.
Pambato rin ng Pinas sa Kuala Lumpur si pole vault specialist Ernest John Obiena na sasabak muna sa London world athletics’ tournament sa August 4-13.
Ang iba pang miyembro ng track and field team ay sina (Men) Jeson Oyco (marathon), Anfernee Lopena (100m /4X400m relay), Aries Toledo (4X400 relay), Arniel Ferrera (hammer throw), Archand Christian Dimaan Bagsit (200m, 4x100m /4x400 relay), Immuel Candole Camino (3,000m steeplechase), Christopher Ulboc Jr. (3,000m steeplechase), Clinton Kingsley Bautista (110m hurdle), Edgardo Alejan Jr. (400m /4X400m relay), Eric Shaun Cray (100m /400m hurdle/ Elbren Neri (1,500m), Ernest John Obiena (pole vault), Janry Ubas (long jump), Kenny Gonzales (javelin throw), Manuel Lasangue Jr. (high jump), Marco Vilog (800m), Mark Harry Diones (triple jump, 4x100m relay),Francis Tiaga Medina (400m hurdle), Melvin Calano (javelin throw), Mervin Guarte (800m /1,500m), Michael Carlo del Prado (4x400 m relay), Patrick Ma, Unso (110m hurldle/ 4x400 m relay), Ronne Malipay (triple jump), Tyler Christian (long jump), Trenten Anthony Beram (200m /400m /4x100m relay /4x400m relay).
Miyembro ng women’s track and field sina Emily Jean Obiena (pole vault), Eva Palabrica (javelin throw), Katherine Kay Santos (4x100m relay/ 4x400m relay/ long jump), Marestela Sunang (long jump), Riezel Buenaventura (pole vault), Rosie Villarito (javelin throw), Reah Joy Reyes Tabal (marathon) and Zion Rose Nelson (100m /200m /400m /4x100m relay /4x400m relay).