Karen Davila, tuloy ang paghahatid ng inspirasyon
Kabuhayan Caravan ng ‘My Puhunan’ sa Caloocan
TAGABARYO na naging sikat na fashion designer sa ibang bansa, dating waiter na apat na ang restaurant ngayon, at mag-ina na napalago ang kanilang simpleng burger stand -- ilan lang ito sa maraming kuwento ng tagumpay ng mga Pilipinong negosyante na naitampok ni Karen Davila sa My Puhunan.
At sa ikaapat na taon ng programa, patuloy pa itong maghahatid ng pagbabago sa buhay ng mga Pilipino sa pag-engganyo sa kanila upang magbukas ng negosyo gaano man kaliit ang puhunan. Ayon kay Karen, sa dami ng mga negosyanteng Pinoy na nakausap niya, siya mismo ay nag-iisip nang pumasok sa pagnenegosyo.
“Ang gusto ko sa My Puhunan kasi binabago nito ang paniniwala ng ibang Pilipino na kailangang mangibang-bansa upang kumita ng pera o umunlad. ‘Pinapakita natin sa Pilipino na kahit sa konting puhunan lang, minsan laway lang, minsan talento mo lang, p’wede ka talaga umasenso sa buhay. Ako mismo natututo sa programa at dahil diyan gusto ko na rin magnegosyo!” ani Karen.
Pero bukod sa pagbabahagi ng tagumpay ng mga Pilipino, nais din ng programa na makapag-abot din ng tulong sa kapwa mga Pilipino na nais maitaguyod ang kanilang pamilya.
Kaya bilang pagdiriwang sa ikaapat na anibersaryo ng programa, lumarga uli ang “Kabuhayan Caravan” ng My
Puhunan, na ang mga nagbabahagi ng oras at kaalaman sa livelihood seminars ay ang mga dating lumabas sa programa tulad nina
Grace Barios ng BeauQuest at MADALI
Remilly Co ng Remilly’s Yema Cake. Ang batikang fashion designer naman na si Avel
Bacudio, binigyan ng payo noon at ilang gamit sa pagdidisenyo ang 24-year old na si Joemel Calma sa episode ng My Puhunan noong 2014. Bukod sa naging mentor ni Joemel si Avel, nakatanggap din siya ng trabaho sa ibang bansa, at nakagawa na ng sariling pangalan.
Iba naman ang naibigay ng programa kay Remilly Co, na dating tindera sa Divisoria. Aniya, pagkatapos niyang lumabas sa My Puhunan ay nagdagsaan ang mga order sa kanyang Yema cake.
Ang mag-inang Emilie at Justin Abejar naman, naaalala pa ang eksena nang ipalabas ang episode tungkol sa kanilang DonJar Big Boodle Burger. “Hindi na tumigil ‘yung mga phone namin, ang daming nag-i-inquire, nakakatuwa, dumami ‘yung franchises lalo,” kuwento ni Emilie. Pero hindi pa rin titigil si Karen at ang My
Puhunan team sa pagbibigay ng inspirasyon at kaalaman sa mga Pilipino na nais magnegosyo at sa pagtatampok ng mga produktong Pilipino. Napapanood ang programa tuwing Martes, 9:30 PM sa DZMM TeleRadyo at pagkatapos ng Bandila sa ABS- CBN at ABS- CBN HD. Mapapanood din ang My
Puhunan sa ANC ng 7: 30 PM tuwing Linggo at may replay sa Lunes ng 11:30 PM at Huwebes ng 1:30 PM. Maaari ring manood online sa iwantv. com. ph and www. skyondemand. com. ph. Para sa updates, bisitahin ang www. facebook. com/ MyPuhunan andwww.twitter. com/MyPuhunan.