3rd Day Semis ng Pitmasters Cup
GAANO kahigpit ang labanan sa ginaganap na 2017 World Pitmasters Cup (Master Breeders Editon) 9-Stag International Derby?
Sobrang tindi, kaya sa unang araw ng tatlong araw na 3-stag semis na ginanap noong nakaraang Lunes, dalawang entry lamang ang nanatiling walang gurlis na may tig-5 panalo, 1 ang mga 4.5 puntos at 10 lamang ang naka-4 puntos.
Ang semis ay magtatapos ngayon sa Newport Performing Arts Theatre, Resorts World Manila kung saan ang ikatlong grupo ng mga kalahok ay muling maghaharap simula ika-12 ng tanghali tampok ang 120 sultada.
Handog nila Charlie “Atong” Ang, Gerry Ramos, Engr. Sonny Lagon, Gov. Eddiebong Plaza & RJ Mea, sa pakikipagtulungan nina Ka Lando Luzong & Eric dela Rosa, ang 10-araw na labanan ay itinataguyod ng Thunderbird Platinum and Resorts World Manila.
Nakakasiguro ng kanilang lugar sa Setyembre 24 grandfinals ay sina 5-pointers Gene Perez (GenJenny) at Edwin Lumbres (EdLum 1) na may 3.5 points din sa isa pa niyang entry na EdLum 2, samantalang si Engr. Sonny Lagon naman ay nagtala ng 4.5 points sa kanyang entry na Lake Forest.
May tig-apat na puntos sila Ricky Magtuto (Ahluck Camsur JVS 2 & Ahluck Camsur JVS 1), Gerry Ramos (AAO Zoe & AAO Zara), Mayor Nene Aguilar (Super Striker AAO-3), Frank Berin/Mayor Jay Diaz (Nov. 24 5-Stag sa ICOCA), Arman Santos (Jade Red), Jervy Maglunob/Noel Cosico (Triple J Gamefarm), Vice Glen (Heart of Gold-2 GE/Keith) at Rey Briones & Nap Gonzales (P& R Uno).
Meron namang tig-3.5 puntos sina D& A Gamefarm (Banahaw Cup 5-Stag Charity Derby Oct. 8), Joey Salangsang & Danny Lim (Lion’s Den Diego JS), Danny Lim/Bong Pineda (Lion’s Den/Sto. Niño/SJC), Atty. Capuchino (ARC-482-PilarOliver-LAC), Magno Lim/PS/AEJ Gamefarm (MYL/AEJ), Mayor Nene Aguilar (Super Striker AAO-2), Mayor Espiritu/Danny Bulldog (Bulldog Feb. 10 2018 sa Laoag City), Shaq/Paolo Reyes (Shaq Sta. Cruz 1) at Boy Velez (San Benito).
May kapahintulutan ng Games & Amusements Board, sa pamumuno ni Chairman Baham Mitra, ang 2017 World Pitmasters Cup (Master Breeders Edition) 9-Stag International Derby ay tunay na nagpapaangat sa kalidad ng sabong sa bansa.
Ang 4-stag finals para sa lahat ng entry na may iskor na 2 hanggang 3.5 puntos ay maghaharap sa simula bukas para sa Group A, 22 (B) & 23 (C). Lahat naman ng may iskor na 4,4.5 & 5 puntos ay magtutuos sa ika-24 ng Setyembre para sa kanilang 4-stag grand finals.