Buong araw nakaupo? Posible kang mamatay nang maaga
ANG mga adult na halos buong araw na inactive ay mas malaki ang posibilidad sa maagang pagkamatay kaysa mga taong hindi umuupo nang matagal. Ito ang ipinahihiwatig ng isang pag-aaral sa United States.
Maaari ring mas mapababa ang posibilidad ng maagang pagkamatay kung maiwawaksi ng mga tao ang sedentary time sa pamamagitan ng pagkilos kada kalahating oras kaysa manatili lamang na nakaupo ng mas mahabang oras, isinuhestiyon ng pagaaral.
“We think these findings suggest that it is simply not enough to be active or move at just one specific time of the day, that is, exercise,” saad ng lead study author na si Keith Diaz ng Center for Behavioral Cardiovascular Health sa Columbia University Medical Center sa New York.
“We need to be mindful of moving frequently throughout the day in addition to exercising,” anang Diaz sa email.
Kung sa mga naunang pananaliksik ay iniugnay ang excessive sedentary time sa pagtaas ng panganib ng pagkamatay, karamihan sa mga pag-aaral na nais ipaalala sa mga tao na kailangan nilang dalasan ang pagkilos dahil maaari itong makapagpahaba ng kanilang buhay.
Para sa bagong pag-aaral, sinuri ng mga mananaliksik ang datos ng 7,985 adults, nasa edad 45 at pataas, na pinagsuot ng accelerometers upang masukat ang activity levels sa loob ng isang linggo.
Napag-alaman na ang sedentary behavior ay bumubuo ng 77 porsiyento ng oras na gising ang partisipante, o halos 12 oras kada araw, ayon sa ulat ng mga mananaliksik sa Annals of Internal Medicine.
Karaniwan na tumatagal ang sedentary time ng halos 11 minuto, at mahigit kalahati ng oras ang ginugugol ng mga tao sa pagkakaupo at pagkakatayo naman na umaabot ng halos 30 minuto, natuklasan sa pag-aaral.
Gayunman, halos 14 porsiyento ng mga tao sa pag- aaral ay karaniwang tumatagal ng halos 90 minuto ang sedentary time.
Sa panahon ng pag-aaral, 340 katao ang namatay pagkaraan ng average follow-up sa loob ng apat na taon.
Inuri ng mga mananaliksik ang mga partisipante sa apat na grupo mula sa least sedentary people, na gumugugol lamang ng halos 11 oras pagkakaupo at pagkakatayo sa isang karaniwang araw, hanggang sa most sedentary people na inactive sa loob ng mahigit 13 oras kada araw.
Inuri rin nila ang mga partisipante sa apat na grupo batay sa tagal ng karaniwang haba ng sedentary time bago gumalaw para magpahinga, na mula halos 7.7 minuto hanggang 12.4 minuto.
Kumpara sa least sedentary people na may pinakamaikling panahong pagkakaupo, ang most sedentary people o pinakamahaba ang panahon na nakaupo ay doble ang posibilidad na mamatay sa lahat ng kadahilanan habang isinasagawa ang pag-aaral. Posibleng pabilisin ng prolonged sedentary stretches ang pagkamatay sa pagdudulot ng metabolic toxicity, sabi ni Dr. David Alter, pinuno ng cardiovascular at metabolic research ng University Health NetworkToronto Rehabilitation Institute sa Canada.
“The lack of activity in our muscles affects our ability to metabolize our sugars efficiently,” saad sa email ni Alter, may-akda ng kasamang editorial. “Over time, our body accumulates excess fat, which can lead to obesity, diabetes, heart disease, cancer and death.”
Bagamat nagiging popular na ang standing desks bilang posibleng solusyon sa problema na dulot ng sedentary time, hindi malinaw kung nakatutulong ito para mas humaba ang buhay ng mga tao.
“Anything that will facilitate movement would be better: treadmill desks, under desk steppers or cycles, or just plain old fashioned walking breaks that can be pretty easily implemented in an office setting,” sabi ni Diaz.