R1.7M pinsala sa palayan sa Negros dulot ng sakit, peste

Bacolod City – Iniulat ng Office of the Provincial Agriculturist na may kabuuang P1.7 milyong halaga ang napinsala sa taniman ng palay, dahil sa mga dumapong sakit sa halaman at pagsalakay ng mga peste sa isang lungsod at tatlong bayan sa Negros Occidental, na umabot sa 85.08 ektarya.

Iniulat na napinsala ang palayan sa Sipalay City at La Castellana, Calatrava at Hinigaran dahil sa rice black bugs (RBB), rice grain bugs(RGB), daga, rice blasts, stemborer o aksip at bacterial leaf blight mula Agosto hanggang Setyembre ngayong taon.

Aabot sa P1,742,479.20 ang kabuuang halaga ng napinsala, pinakamalaki mula sa Sipalay City na mayroong P1,103,884.80 sa 23.48 ektarya dahil sa pag-atake ng grain bugs sa Barangay Gil Montilla.

Inihayag ni Provincial Agriculturist Japhet Masculino na ang mga naturang grain bug ay umaatake kapag ang bigas ay naglalabas na ang gatas, na nagiging dahilan kung bakit hindi na maaaring kainin ang bigas.

Gayunman, inatake na ng metarhizium fungus ang mga palayan bago pa man ito naapektuhan ng RGB at RBB, matapos nila itong mapatunayan.

Sumunod sa Sipalay ay ang bayan ng La Castellana, na nakapagtala ng P435,456 kabuuang pinsala sa 10.08 ektarya dulot ng RBB.

Tinatayang 31.9 has. ng palayan naman ang naapektuhan sa munisipalidad ng Hinigiran, dulot ng iba’t ibang sakit ng halaman gaya ng rice blast, stemborer o askip at bacterial leaf blight, pati na rin ang pagsalakay ng mga daga.

Umabot sa P187,638.40 ang kabuuang pinsala sa bayan. Ipinakita rin sa rekord na isa pang 12.60 ektarya ng palayan sa Hiringan ang napinsala ng baha nitong nakaraang buwan, na may kabuuang P76,608 halaga.

Samantala, maliit lamang na porsyento ang naapektuhan sa Calatrava dulot ng RBB at pagsalakay ng mga daga, na 4 ektarya lamang ng palayan ang naapektuhan at P4,800 ang halaga ng pinsala.

Pinaalalahanan rin ni Masculino ang mga magsasaka na maging alerto sa pagkalat ng lahat ng ganitong klaseng sakit, na maaaring mangyari sa kanilang taniman at ipagbigay-alam agad ito sa kanilang city at municipal agriculturist, kung may nakikitang sintomas.

“The occurrence of different pests and diseases is getting worse and needs the vigilance of the farmers to ensure that the surroundings of their planted areas are clean,” aniya.

Binanggit rin niyang ibinigay na sa mga magsasaka ang supply na kanilang kailangan at sinusuri na nila kung nag-enroll ang mga ito sa crop insurance program ng gobyerno upang tulungan ang mga ito sa pagbubuno ng pondong kakailanganin upang makabawi sa pagkalugi.