Janine at Rayver, maraming boto para sa isa’t isa
MUKHANG marami ang boto na maging magkasintahan sina Rayver Cruz at Janine Gutierrez. Kaliwa’t kanan ang natatanggap naming mensahe tungkol sa kanila at kinikilig sila sa mga nabasa nila sa IG post ng aktor nu’ng Star Magic Ball.
Sinilip namin ang post ni Rayver at nakakatuwa ang larawan nila ni Janine na halos magkayakap na may caption na, “Thank you for making my Star Magic ball extra memorable and special” na umabot sa 30k likes at 247 comments na karamihan ay nagsasabing bagay na bagay silang dalawa.
May larawan din sila nang magdiwang si Janine ng kaarawan sa Bali, Indonesia, magkatabi silang nakaupo sa tabi ng pool ng isang hotel, naka- shorts at sando ang aktor samantalang naka-blue skirt at blouse naman ang dalaga at nakasandal sa binata na may caption na, “Happy Birthday, Nini (palayaw ng aktres).
“Feeling namin MU (mutual understanding) na po sila. Kasi lagi naman silang magkasama kapag wala silang work. Madalas si Rayver kina Janine at ipinakilala na siya sa family niya at okay naman si Rayver po sa kanila,” kuw ayaw magpabanggit ang name.
Sabi ng isang tagahanga ng dalawa, “Baka nga po totoo ang sinulat ninyo na sa Balsasagutin ni Janine si Rayver.”
“Sana sila na talaga forever kasi perfect couple sila, pareho silang mabait, magalang at mapagmahal sa magulang kay naniniwala kaming bagay sila,” sabi naman ng taong malapit sa dalawa.
Magaganda rin ang komento sa kanila ng kapwa nila artista.
Parang pressure naman kina Rayver at Janine ang mga taong nakapaligid sa kanila na maging ‘sila’ na.