Gaga, Grande nanawagan ng mahigpit na gun control
HINIMOK nina Lady Gaga at Ariana Grande ang US leaders nitong Lunes na umaksiyon at paigtingin ang batas sa pagmamay-ari ng baril, kasunod ng mass shooting sa Las Vegas, bilang pagsasatinig ng kanilang pakabigla sa deadliest shooting sa modernong kasaysayan ng US.
Habang nagkokomento at nakikisimpatya ang ibang celebrity pagkatapos ng pamamaril sa country music festival, ginamit ni Gaga ang kanyang social media power upang magbigay ng mensahe sa mga pulitiko.
“This is terrorism plain and simple. Terror bares (sic) no race, gender or religion. Democrats & Republicans please unite now,” mensahe ng pop star sa kanyang mahigit na 71 milyong followers sa Twitter, na ang kanyang account ang ikapito sa mga pinakapopular.
“Prayers are important but @SpeakerRyan @realDonaldTrump blood is on the hands of those who have power to legislate. #GunControl act quickly,” saad niya.
Inimbitahan din ni Gaga ang kanyang fans na samahan siya sa live- streamed 20 minutes ng katahimikan o pagdarasal “to connect us all through inner peace.”
Si Grande – na pinasabugan ang sariling concert sa Manchester noong Mayo, ng isang tagasuporta ng Islamic State group, na kumitil ng 22 katao – ay nagpahayag na nakitaan niya ng kaunting pagkakaiba ang nangyari sa Las Vegas, na hindi tukoy kung ano ang motibo ng suspek.
“My heart is breaking for Las Vegas. We need love, unity, peace, gun control & for people to look at this & call this what it is - terrorism,” tweet ni Ariana.