DSCPI Nat’l Championship sa Philsports

TAMPOK ang pinakamahuhusay na lokal dancers ang magpapakitang- gilas sa lalargang DanceSport Council of the Philippines (DSCPI) 21st DanceSport National Championship sa Sabado sa Philsports Multi-Purpose Arena (dating Ultra) sa Pasig City.

Ayon kay DSCPI President Becky Garcia, kabuuang 362 dance athletes mula sa ibalt ibang panig ng bansa ang makikipagtagisan ng husay at galing sa torneo na suportado ng Philippine Sports Commission, Philippine Olympic Committee, Flawless, Muebles Italiano, Retro DCG-FM 105.9, Studio 116 Dance School at The Greenery Bulacan.

Pangangasiwaan ang torneo ng pitong World DanceSport Federation licensed adjudicators at Filipino WDSF licensed adjudicators na sina Crisaldo Rendon at Julie Plummer at Philippine National Licensed Adjudicator Ronnie Steeve Vergara.

Samantala, pinarangalan ni Garcia ang matagumpay na kampanya ng DanceSport Philippine Team sa nakalipas na 2017 Turkmenistan Asian Indoor Martial Arts Games kung saan nagwagi ng silver medal sina Standard Couple German Enriquez at Ma. Danella Renee Publico, habang bronze ang tambalan nina Latin couple Gerald Jamili at Cherry Clarice Parcon.

Mabibili ang tikets sa DanceSport Training Center, Philsports Complex, Meralco Avenue, Pasig City, gayundin sa gate entrance ng Philsports Multi-Purpose Arena (Ultra) .

Para sa karagdagang detalye, makipag-usap kay Anna o Lorien sa tel. blg. 637-2314.