Ika-59 labas
NAGDESISYONang apat na tauhan ni Don Andres na sakyan na ang sasakayan kahit plat ang gulong nito. At hindi nagtagal ay nakarating na sila sa mansyon ng kanilang amo upang ibalita ang kanilang nakita at napakinggan.
“Mabuti naman at nakabalik na kayo,” wika ni Don Andres. “Ano bang nangyari?”
“Rolan, ikaw na ang magpaliwanag kay Don Andres,” wika ni Harry. “Tutal, ikaw ang nakaranas ng mahiwaga at kataka-takang pangyayaring naging dahilan para hindi agad tayo makabalik!”
“Ano bang nangyari, Rolan?” Tanong ni Don Andres. “Huwag mong sabihing may kinalaman ang nilikha mula sa daigdig ng kababalaghang naninirahan daw sa barangay Bayan-bayan?”
“Gano’n na nga po, Don Andres,” sagot ni Rolan. “Pinaglaruan ng mga nilikhang ‘yun ang mga gulong ngsasakyan!”
“Anong ginawa ng mga nilikhang ‘yun?” Tanong ni Don Andres.
“Ako po ang naiwan sa sasakyang ipinarada namin sa gilid ng barangay road hindi kalayuan sa bahay ni Mang Edgardo. Ngunit habang binabantayan ko, narinig kong pumupuslit ang hangin sa gulong ng sasakyan,” paliwanag ni Rolan.
“Pumupuslit ang hangin sa gulong ng sasakyan?” Tanong ni Don Andres.
“Opo,” sagot ni Rolan. “Nang marinig ko ang pagpuslit ng hangin sa gulong na nasa kabila pinuntahan ko, ngunit pumuslit naman ang hangin sa gulong sa pinagmulan ko!”
“Kataka-takang pangyayari,” wika niDon Andres. “Tapos, ano pang nangyari?”
“Ganoon na nga po, kapag nasa kabilang bahagi akong sasakyan, pumupuslit ang hangin sa mga gulong na nasa kabila at kapag pumunta ako roon, sa pinagmulan ko naman pumupuslit,” paliwanag ni Rolan.
Hindi sumagot o nagbigay ng komentaryo si Don Andres Hamoria sa paliwanag ng nagmaneho ng sasakyang ginamit ng mga tauhan papunta sa barangay Bayan-bayan. Pumunta sa nasabing barangay sina Harry, Sendong, Rading, Dodong at Rolan para gawin ang utos niyang kilalanin ang taong dumating sa bahay ni Mang Edgardo. Iniutos ni Don Andres ang lihim na pagsubaybay sa mga nagaganap sa buhay ni Mang Edgardo dahil siya ang utak ng karumal-dumal na krimeng naging sanhi ng kamatayan ng asawa ng lalaki at sanggol sa sinapupunan. Lihim sa mga kabarangay, ito rin ang paniniwala ni Mang Edgardo kaya malapit sa mga nilikha at hindi nagagalit kahit madalas biruin kapag natutulog.
“Sino ba ‘yun dumating na lalaki sa bahay ni Edgardo na sakay ng magara at mamahaling sasakyan?” Tanong ni Don Andres. “Sa tingin ko, hindi siya pangkaraniwang mamamayan sa barangay na ‘yun.”
“Tama kayo, Don Andres,” sagot ni Harry. “Hindi pangkaraniwang tao ang dumating sa bahay ni Mang Edgardo dahil magpapatayo ng bahaybakasyunan sa lupang kinatitirikan ng bahay niya!”
“Dati hongsa barangay Bayanbayan nakatira ang lalaki. Bukod
sa magkumpare sila ni Mang Edgardo, magkababata at matalik na magkaibigan,” wika ni Sendong.
“Ano raw pangalan nu’ng lalaki?” Tanong uli ni Don Andres. “Daniel po,” sagot ni Harry. Natahimik si Don Andres ng marinig ang pangalan ng lalaking dumating sa bahay ni Mang Edgardo na lulan ng magara at mamahaling sasakyan. Payak lang ang dahilan sa ginawa niya, totoo ang hinalang naglaro sa kaniyang isip. Ang kumpare, kababata at matalik na kaibigan ni Mang Edgardo na si Mang Daniel ang dumating sa bahay ng una na nakatirik sa lupa ng huli. Lihim, nakadama ng pagkabalisa si Don Andres sa impormasyong nalaman sa mga tauhan.
Hindi nakaila sa mga tauhan ang kaniyang kilos kaya naghintay ng utos sa Don. Ngunit hindi naganap ang gustong mangyari nina Harry, Sendong, Rading, Dodong at Rolan dahil inutusan sila ni Don Andres na pumunta na sa quarter nila para magpahinga at matulog. Matapos umalis ang mga tauhan, nanatili siya sa veranda ng mansyon na nasa ikalawang palapag at nakatanaw sa direksyon ng barangay Bayan-bayan na nag-iisip.