Julia Roberts, sasabak sa telebisyon
TINAWAG ni Julia Roberts na “a total experiment” ang una niyang pagsabak sa television series, dahil wala siyang ideya kung paano umarte sa small screen.
Gaganap ang Pretty Woman star sa upcoming psychological thriller na Homecoming bilang empleyado ng isang secret government facility na tumutulong sa mga sundalo upang muling makihalubilo sa lipunan pagkatapos ng pagsisilbi sa ibayong dagat.
Ang bagong palabas, nakatakdang simulan ang shooting sa unang bahagi ng 2018, ay inspired ng fictional podcast ng Gimlet Media na may kaparehong titulo, na inilunsad noong 2016, at ididirehe at ipoprodyus ng Mr.
Robot creator na si Sam Esmail. Inamin ni Julia na ang magandang materyales ng show ang nag-udyok sa kanya para magdesisyon na lumipat sa telebisyon mula sa Hollywood movies.
“(Listening to the podcast), you never know what’s happening, really, and I love that,” aniya sa InStyle magazine, bago pinuri ang storytelling opportunities na kasalukuyang iniaalok ng TV industry.
“I don’t want to go against my peoples, but it sort of is (the most exciting medium right now),” patuloy niya. “There’s a lot of really good content and a lot of diversity.”
Sa kabila ng excitement sa bagong paghamon, may mga pag- aalinlangan pa rin ang Oscar winner kung paano siya mag- a- adapt sa pagtatrabaho sa small screen, kung saan namamayagpag kamakailan ang mga kasamahan niyang kinabibilangan nina
Nicole Kidman, Reese Witherspoon, at Matthew McConaughey.
“( Homecoming is) a total experiment...,” kumpisal niya. “I don’t even know what it really requires. I just know how to watch a TV show. I don’t know how to make one.”