Flanagan, wagi sa NY Marathon
NEW YORK ( AP) — Posibleng huling pagtatangka ito ni Shalane Flanagan sa New York Marathon. Nakatuon ang kanyang isipan kung sinong running star ang makakasabay sa finish line. Ang kanyang pamilya at malapit na kaibigan na si Meb.
Sa kauna-unahang pagkakataon sa matikas na career, nakamit ni Flanagan ang tanging major marathon title nang agawan ng korona si Mary Keitany nitong Linggo (Lunes sa Manila) at tanghaling unang American na nagwagi ng New York marathon title mula noong 1977.
Ang makasaysayang tagumpay ni Flanagan ay naganap sa huling takbo ng kaibigan at itinuturing American great na si Meb Keflezighi. Natapos ng 42-anyos na si Keflezighi ang karera -- ika- 26 NY race – sa ika- 11 puwesto at sa sobrang hirap ay kumulapso ito sa pagtawid sa finish line.
Halos limang minuto ang layo niya sa bagong kampeon na si Geoffrey Kamworor, 24, mula sa Kenya. Naungusan niya ang kababayang si Wilson Kipsang ng tatlong segundo para sa kauna-unahang major victory. Naitala ni Kamworor ang tyempong dalawang oras, 10 minuto at 52 segundo. “I was thinking of Meb, and I was thinking of how I wanted to make him proud,” pahayag ng four-time Olympian na si Flanagan.
“It’s been a tough week for New Yorkers, and a tough week for our nation,” sambit ni Flanagan,patungkol sa naganap na bombing sa 2013 Boston Marathon na naging dahilan sa paghihigpit ng seguridad sa karera sa nakalipas na mga taon.
Nakuha ni Flanagan ang panalo sa tiyempong dalawang oras, 26 minuto at 53 segundo, isang minuto na mas mabilis sa three-time champion na si Keitany at third-place finisher Mamitu Daska ng Ethiopia.
Ang huling babaeng American na nagwagi sa New York marathon ay si Miki Gorman, nagtala ng back-to-back title (1976-77).