World Pitmasters Cup, handa na sa pagsyapol
ANG mga panlabang manok ay nakakundisyon na. Ang mga tari ay nahasa na at ang lupa sa rueda ay matigas na. Handa na ang lahat para sa pinananabikan 2017 World Pitmasters Cup (Master Breeders Edition-2) 9-Stag International Derby na nakatakda sa Newport Performing Arts Theatre ng Resorts World Manila sa Nobyembre 16-25.
Handog nila Charlie “Atong” Ang, Gerry Ramos, Engr. Sonny Lagon, Gov. Eddiebong Plaza & RJ Mea, sa pag-alalay nila Ka Lando Luzong & Eric dela Rosa, ang 10araw na pandaigdigan labanan ay magkatuwang na itinataguyod ng Thunderbird Platinum at Resorts World Manila.
Ang mga derby organizers at mahigit na 300 kalahok, kasama ang iba pang sponsors ay ihaharap sa media sa tradisyonal na press conference na gaganapin nagyon araw, ika-10 ng umaga sa Passion Restaurant ng Resorts World Manila.
Inanyayahan ang lahat ng mga kaibigan sa pahayagan at magazine, gayundin ang mga iba pang tagasuporta ng pinakamalaking torneo sa sabong sa bansa.
Imbitado rin ang mga bumubuo ng Sabong Media na sina Wilvin Sy (Cockfghts Magazine), Pachie Cruz ( Sabong Star Magazine), Jun Jamandores ( Fightingcock), Dennis Osting ( Gamefowl Magazine), Jhong Alcantara ( Bagong Sabungero Magasin) television hosts/ representatives Bam Camiña ( Chicken Talk), Supersabong (Miguel Laviña), Joey Sy/Eddie Boy Ochoa (Bakbakan Na); Jing Concepcion (Sabong TV) at Salpukan.
Ang 2- stag eliminations ay gaganapin sa Nobyembre 16 ( Group A), 17 ( Group B) & 18 (Group C), samantalang ang 3-stag semis ay gagawin sa Nob. 19 (A), 20 (B) & 21 (C).
Matapos ang semis, lahat ng may iskor na 2-3.5 puntos ay maghaharap sa kanilang 4- stag finals sa Nob. 22 (A), 23 (B) & 24 (C).
Lahat naman ng may iskor na 4,4.5 & 5 puntos ay magtutuos para sa kampeonato sa Nob. 25 para sa 4-stag grand finals.