Panghihiya sa timbang ng mga bata, ‘di nakatutulong
HINDI nakatutulong sa mga bata ang panghihiya tungkol sa kanilang timbang, o para gumawa sila ng paraan na magpapayat, babala ng mga doktor sa America.
Sa katunayan, kabaligtaran ang epekto nito at mas nagbubunsod sa mga bata para maging ugali ang pagkain ng sobra, hindi pagiging aktibo, pagiging mapag-isa, at pag-iwas sa mga medical check up, abiso ng American Academy of Pediatrics and the Obesity Society sa kanilang joint policy statement.
“Keep it positive. We know that making change is tough, and patients will likely have trouble initially meeting some of their goals, but we can learn from these challenges and go from there,” lahad ni Dr. Stephen Pont, pangunahing awtor ng pahayag at founding chair ng AAP Section on Obesity Executive Committee.
“Also, we know that children with obesity are more likely to suffer from low self-esteem, depression, and anxiety so we want to be extra mindful to focus on positive reinforcement and not negative reinforcement when encouraging behavior change,” saad ni Pont, ng Dell Medical School sa University of Texas at Austin, sa email.
Ang sobrang katabaan ang pinaka karaniwang chronic health problem ng mga bata sa America, lahad ng mga doktor sa pahayag. Isa sa tatlong bata na edad dalawa hanggang labing-siyam ang overweight o obese.
Makakadagdag ang stigma at diskriminasyon sa kanilang problema sa kalusugan at maaaring maapektuhan nito ang kanilang pamumuhay, kaya mararamdaman nila na nag- iisa sila, naiinis at malungkot. Maaaring maging sanhi ng pagkakaroon ng mas mabigat na timbang ang bullying.
“While there has been substantial attention to medical treatment and intervention for obesity in youth, the social and emotional impact of body weight – like stigma and bullying – often get neglected,” ani Rebecca Puhl, ng Obesity Society at deputy director ng Rudd Center for Food Policy and Obesity sa University of Connecticut sa Hartford.