Ang real-life prison revolution ng bituin ng ‘Shawshank’
SA kanyang acclaimed starring role sa The Shawshank Redemption at Oscar nomination sa pagdidirehe ng Dead Man Walking, utang ni
Tim Robbins ang maraming highlights ng kanyang karera sa prison system.
Ngunit ang interes ng 59-anyos na Hollywood star sa criminal justice at sa mga bilanggo ay higit pa sa pagsisikap niya na makuha ang approval ng mga kritiko o manalo ng awards.
Sa loob ng mahigit isang dekada, nakagawa si Robbins ng malaking pagbabago reoffending rates o antas ng mga presong bumabalik sa kulungan sa California bilang bahagi ng isang drama program na humihikayat sa hardened criminals na mag-make-up at harapin ang kanilang mga emosyon.
“We’re not in there to make theater with them, we’re not there to do plays with them, and we’re certainly not there to turn them into actors,” aniya sa presentation ng The Prison Project sa Los Angeles.
“We don’t want them coming out and competing with us -- particularly if they are good,” biro niya. “But it does provide them with a path, a path that leads toward transformation.”
Pinagsasama-sama ng The Prison Project ang magkakaribal na gang members, convicted murderers at white supremacists sa workshops kung saan hindi masama na magpakita ng emosyon.
Haharap ang grupo ng inmates sa white make-up at masks, gagawa ng mga eksena mula sa mga karakter ng 16th Century Italian Commedia dell’Arte movement na kumakatawan sa happiness, sadness, fear o anger.
“In prison, there’s one appropriate emotion: anger. To survive you have your angry face on, you have to project an aura of invincibility and toughness,” ani Robbins.
“You do not express fear or sadness, and the only happiness you express usually has to do with mocking someone, not true joy.”
Sinabi ni Robbins na ang workshops ay nagkaroon ng transformative effect sa mga bilanggo upang magkaroon ng “safe zone” para maipahayag ang kanilang nararamdaman na matagal nang nakabaon, sa ilang kaso, ay ilang dekada na.
Hindi maglalaon, mapagtatanto ng mga kalahok na maaari silang maging panginoon ng kanilang emosyon sa tunay na buhay gayundin sa drama workshops.
Isinilang malapit sa Los Angeles sa ama na debotong Katoliko, lumipat ang pamilya ni Robbins sa Greenwich Village ng New York, kung saan nagsimula siyang magtanghal sa edad na 12.
Nanalo ang aktor ng Oscar para sa Mystic River noong 2003 at madalas maisip na maaaring napunta rin siya sa kulungan kagaya ng ilan sa kanyang mga kaibigan, kung hindi dahil sa magandang suwerte ng pagkakadiskubre niya sa teatro. “The kids I ran with were a rough crowd. In order to prove yourself on the streets of New York you had to be tough, or fast,” ani Robbins. “I learned how to be both.”
Lumipat siya sa Los Angeles noong siya ay 20 anyos at itinatag ang experimental collective na The Actors’ Gang noong 1981 kasama ang young artists mula sa kanyang kolehiyo, kabilang na si John Cusack.
Kalaunan ay sumali ang British actress na si Sabra Williams at noong 2006 ay naisip ang The Prison Project, na inspired ng mga benepisyo ng trabaho na nagawa nito sa mga kulungan sa Britain bilang miyembro ng Royal Shakespeare Company.
Ang return-to-prison rate sa California ay umaabot sa 67.5 porsiyento nitong mga nakalipas na taon, ayon sa pag-aaral ng California Department of Corrections and Rehabilitation.
Ipinakita ng encouraging preliminary data para sa mga preso na nakumpleto ang The Prison Project, ayon sa department, ay bumaba ang bilang na ito sa 10.6 porsiyento.
Lumawak na ang programa sa 12 kulungan sa California, dalawang community re-entry programs at dalawang juvenile detention centers at dahil sa puspusang kampanya ni Williams, nagkaroon ng pondo para sa arts in prison.
Nitong nakaraang taon, naglaan si Governor Jerry Brown ng $6 milyon para sa California’s Arts in Corrections program at lahat ng 35 ng kulungan ng estado ay mayroon na ngayong publicly funded arts.
“If I were to tell you I had developed a pharmaceutical that could reduce recidivism to 10 percent and reduce in-prison infractions by 89 percent, you’d fast-track that drug and have it in every inmates’ mouth,” ani Robbins.
“This is a public safety issue. You can’t keep people in prison forever, they’re going to get out at some point. Wouldn’t you want them coming out with better skills to deal with their emotions?”