Ruben Maria Soriqeuz, investor sa local entertainment industry
MAY bagong investor sa local entertainment industry mula sa Italy, ang producer, direktor at aktor din sa nasabing bansa na si Ruben Maria Soriquez. Siya ‘yung gumanap na boss ni Sharon
Cuneta sa pelikulang Unexpectedly Yours na pinagretiro na siya dahil hindi niya kayang makipagsabayan sa bagong trend ng publishing at social media. Gumanap ding tatay ni Liza
Soberano si Direk Ruben sa teleseryeng Dolce Amore at naging dialogue coach din ng dalaga dahil nga Italyana ang karakter nito.
Tatlong taon na sa Pilipinas si Direk Ruben at pinag-aralan niya ang takbo ng local show business dahil gusto niyang mag-invest dito.
Unang nakilala ang Fil-Italian actor/ direktor sa pelikulang of Sinners and Saints na siya rin ang director at lead actor kasama sina Polo Ravales, Richard Quan, Raymond
Bagatsing, Channel Latorre at Althea Vega. Nanalong Best Actor si Direk Ruben sa 2015 World Premieres Film FestivalPhilippines na ginanap sa SM Mall of Asia Centerstage.
Nang makatrabaho niya sina Sharon at Robin Padilla sa Unexpectedly
Yours, nabanggit niya na gusto niyang maidirek ang dalawa.
“Happy ako na makatrabaho siya, masaya kasi katrabaho si Ms. Sharon, always joking. But when she gets into character, mabilis lang niya nagagawa ang eksena niya. In the movie, I play Ricardo, the boss of Patty (Sharon). Sayang lang kasi wala kami scene together ni Robin. But I met him at the premiere night and it was a pleasure and we agreed to meet anew and talk about projects.
“I am humbled and honored to be with stars na katulad ng megastar at indisputable action star na si Robin. Wish ko na maidirek ko sila someday. Iyong magkahiwalay na movie, I mean.
“Dapat ay may meeting kami ni Robin kaya lang ay hindi natuloy dahil sobrang busy ako at sobrang busy din siya. Kapag both of us have time, gusto ko pa rin siya idirek.” Bakit gusto niyang maidirek si Robin? “Oh, I like him in the film, Unexpectedly
Yours. I like his acting. That’s why gusto ko siyang idirek din someday sa isang movie.”
Action-comedy ang pelikula ni Binoe na gusto niyang gawin, na forte rin naman talaga nito.
Samantala, maraming projects sa Pilipinas ang Italian director. Mapapanood siya sa paranormal movie na The Lease na
idinirehe ng Italian director na si Paolo Bertola with Garie Concepcion, The Spiders’ Man, black comedy na tungkol sa autism at family ties na kinunan sa Italy ang ilang eksena. Kasama ni Direk Ruben dito sina Richard Quan, Jeffrey Tam, Lee O’Brian, Rob Sy, Red Ibasco, at ang misis niyang
si Lanie Gumarang. Samantala, kasama ni direk Ruben sina
Maurizio Baldini at Lorenzo Galanti bilang founder ng European Philippines International Film Festival (EPIFF) na inendorso ng Italian Chamber of Commerce na ang una ang isa sa board of directors.
“The objective of EPIFF is to promote the best of Philippine cinema in Italy and Europe and to find distribution for those films as well,” paliwanag ni Direk Ruben.
“We shall announce the call for entries anytime soon. The festival will be a competition among films made by Filipinos or filmmakers abroad with Pinoy blood. We will be looking for films that have international appeal, especially to the European audience.
“For those filmmakers who want to join on this festival, it should have an international appeal to the people who will watch for it. It can be old movies from 2015 or it could be a new movie. They should put Italian subtitles at the bottom for the Italian to understand the film. The selection committee for these films are Italians.”
Ang nasabing international film festival ay pansamantalang naka- schedule sa Marso 7-9, 2018, gaganapin sa isang makasaysayang teatro sa Florence, Italy.
Ang final deadline for submission para sa feature-length documentaries at feature-length films ay sa Enero 31, 2018.