Tiger Cubs, tumatag sa playoffs
NAKAMIT ng University of Santo Tomas ang huling semifinals slot nang maungusan ang Adamson University, 73-72, sa overtime kahapon sa kanilang playoff match sa UAAP Season 80 juniors basketball tournament sa Blue Eagle Gym.
Nagsalansan ang leading MVP candidate na si CJ Cansino ng walong puntos sa extension period kabilang ang nagsilbing marginal basket may natitira pang 1:13 sa oras na nagbigay sa Tiger Cubs ng 73-68.
Makakasagupa ng UST ang defending champion Far Eastern University-Diliman sa knockout step- ladder match sa Sabado sa parehas ding venue ganap na 10:00 ng umaga.
Hindi nanalo sa Tiger Cubs ang Baby Tamaraws sa kanilang unang dalawang pagtutuos sa elimination round.
Ang magwawagi sa kanila ay makakatapat ng twice-to-beat National University sa second stepladder match sa susunod na linggo kung saan uusad ang magwawagi sa kampeonato kontra outright finalist Ateneo .
Nagtapos si Cansino na may 24 puntos, siyam na rebounds, anim na assists at dalawang blocks, kasunod si Kobe Palencia na may 15 puntos, at John Lina na may double-double 12 puntos at 12 rebounds para sa UST.
Namuno naman si Jose Sabandal na may 20 puntos at may tig-9 rebounds at assists para sa Adamson, habang kumana sina Bismarck Lina at Rayjhun Baquial ng 12 at 11 puntos, ayon sa pagkakasunod.
“Pagdating sa Final Four, ibang usapan na ‘to. Dumadaan tayo sa butas ng karayom, ‘yung first step nakalusot tayo. I think this game, deserve ng mga bata ‘yung respect,” sambit ni Cantonjos, gumabay sa Tiger Cubs sa unang pasok sa ifinals sa Season. Marivic Awitan
Iskor: UST (73) - Cansino 24, Palencia 15, Lina 12, Baquial 7, Manabat 6, Villapando 3, Benzonan 2, Estrella 2, Narvasa 2, Relucio 0, Dolendo 0, Anunciacion 0, Dela Cruz 0.
ADU (72) - Sabandal 20, An. Doria 16, Ad. Doria 11, Hanapi 9, P. Santos 9, Manlapaz 7, Prodigo 0, Canoy 0, Baculio 0.
Quarterscores: 16-14; 32-23; 4744; 63-63; 73-72.