Ligtas na Mahal na Araw tiniyak ng AFP

Inihayag kahapon ng Armed Forces of the Philippines ( AFP) na mahigpit nilang ipatutupad, katuwang ang Philippine National Police (PNP), ang seguridad laban sa teroristang grupo sa bansa sa darating na Mahal na Araw.

Kinumpirma ito ni Joint Task Force Ranao deputy commander Col. Romeo Brawner kasunod ng utos ng PNP na magsagawa ng beripikasyon sa tuluyang pagpasok ng 40 dayuhang terorista mula sa Indonesia patungong Mindanao.

Aniya, nakararating din sa kanila ang impormasyon ngunit nasa validation process pa ang kanilang intelligence community hinggil sa nasabing report.

Ayon pa kay Brawner, muling nagpalakas ang natitirang MauteISIS sa Lanao sanhi ng serye ng engkuwentro nitong Enero hanggang Pebrero.

Batay sa police intelligence information, nagpanggap na mangingisda ang 40 foreign terrorist kaya malayang nakapasok sa Mindanao at sa liblib na mga probinsiya.

Target umano ng ISIS inspired terrorists ang mga siyudad sa Luzon, Visayas at mismong sa Mindanao.