Steven Spielberg magdidirehe ng superhero movie
SA wakas, magdidirehe na si Steven
Spielberg ng superhero movie. Ayon sa ulat ng Variety, nakipagtulungan ang batikang direktor at ang kanyang Amblin Entertainment sa Warner Bros. upang i-produce ang action-adventure na
Blackhawk, at si Spielberg ang magdidirehe ng pelikula.
Batay sa classic comic-book property, ang proyekto ang unang beses na magdidirehe si Spielberg ng karakter mula sa DC universe. Ang pinakabagong idinirihe ni Spielberg ay ang Ready Player One para sa Warner Bros., na tumabo na ng $476 million sa buong mundo, nang ilabas nitong nakaraang buwan.
“We are so proud to be the studio behind Steven Spielberg’s latest hit, and are thrilled to be working with him again on this new action adventure,” lahad ni Toby Emmerich, chairman ng Warner Bros. Pictures Group. “We can’t wait to see what new ground he will break in introducing Blackhawk to movie audiences worldwide.”
Ang screenplay para sa Blackhawk ay isinulat ni David Koepp, na nakipagtulungan kay Spielberg bilang screenwriter sa blockbusters na Jurassic Park, The Lost World: Jurassic Park, War of the Worlds, at Indiana Jones and the Kingdom of the Crystal Skull. Ipo-produce ni Spielberg ang pelikula kasama si Kristie Macosko Krieger sa ilalim ng Amblin Entertainment banner, habang si Sue Kroll ang magiging executive producer sa ilalim ng kanyang Kroll & Co. Entertainment shingle.
“It was wonderful working with the team at Warner Bros. to bring Ready Player One to the screen,” sinabi ni Spielberg sa
Variety. “They bring a blend of passion and professionalism to everything they do and have a tremendous history in this genre. I am excited to reunite with them on Blackhawk.” Ipalalabas ng Warner Bros. Pictures ang Blackhawk sa buong mundo.
Unang ipinakilala ang
Blackhawk noong 1941 ng Quality Comics bago ito binili ng DC Comics noong 1957. Sa komiks, si Blackhawk ang lider ng Blackhawk Squadron, isang elite group ng mga piloto na nakipaglaban noong World War II.
Kasalukuyan pang tinatapos ni Spielberg ang ikalimang Indiana Jones movie, na sunod niyang magiging proyekto. Hindi naman agad gagawin ang Blackhawk kasunod ng nasabing pelikula, ngunit pagkatapos pa ng West Side Story, na kasunod na ipo-produce
ng Indiana Jones movie. Hindi pa alam kung kailan ang eksaktong simula ng shooting ng
Blackhawk, ngunit may panahon pa ang studio na ganap na buuin ang proyekto bago ito ipahawak kay Spielberg.