Mandaluyong City, inilahok ni Singson sa MPBL
ISANG higanteng hakbang ang naging desisyon ng isang kabataang sportsman na si Christian Luis Singson matapos na pormal nang lumahok ang koponan nito sa sumisikat na ligang Maharlika Pilipinas Basketball League na lalarga na uli ang susunod na edisyon sa Hunyo.
Ang kanyang Mandaluyong Tigers sa pakikipagtulungan ng LGU ng lungsod ang naging ika18 koponan ng bagong ligang MPBL. Itinatag ni Christian ang koponan at tiniyak niyang magiging isang team to beat ito dahil ang pagkakaroon ng karakter, tapang, dedikasyon at pagmamahal sa sport na basketball kung kaya inaasahan ito na maging isa sa magiging paborito sa MPBL.
“Basketball is my passion. As a player and now a team owner, I assure you this will be a long vision for my team just like what Senator Pacquiao ‘ s vision for MPBL,” pahayag ni Singson, anak ni dating Ilocos Sur Gov. Chavit.
Kinuha ng kampo ni Singson ang ang mga pambatong maglalaro sa ALAB Pilipinas na mga kilala at idolo na sina Bobby Ray Parks at iba pang inaantay na lang ang kumpirmasyon na kasalukuyan pang naglalaro sa finals ng ABL kontra reinforced na Thailand.
Dagdag- ningning para sa koponan ang mapasama sa lineup ang showbiz personality na si Xian Lim, na nakatakdang promal na magpahayag anumang araw mula ngayon.
Itinakda naman ng mga coaching staffs ni Christian Luis ang araw ng try out para sa pagbuo ng champion caliber team sa MPBL sa susunod na Biyernes ng gabi sa RTU Gym sa Mandaluyong City.