Normani Kordei, sasabak sa pagmomodelo

BINABALAK ni Normani Kordei na pasukin ang pagmomodelo at lumagda na siya sa isa sa top agencies sa fashion industry.

Ang singer, sasabak sa solo career ngayong nagpapahinga ang Fifth Harmony, ang latest artist na nakakuha ng kontrata sa Wilhelmina Models, at excited siya sa bagong kabanata sa kanyang buhay.

“I’ve always wanted to get into the fashion space,” aniya sa Vogue.com. “It’s something that I’ve been inspired by ever since I was a little girl.”

Sa pamamagitan ng modeling gig, makakabuo ng fan base si Normani sa labas ng musika, at iginiit na ito ay natural evolution para sa kanya, tulad ng iba pang kliyente ng Wilhelmina na kinabibilangan nina Nicki Minaj, Shawn Mendes, at Niall Horan ng One Direction.

“Now, more than ever, I feel like music and fashion play off of each other with music being one of the great influences and artists dominating in the fashion space as well,” aniya. “It’s something that I wanted to be part of.”

Iniidolo ang British supermodel na si Naomi Campbell simula sa pagkabata, excited si Normani na ipakita sa next generation of girls, partikular na sa children of colour, na dapat nilang taasan ang kanilang pangarap.

“That’s the cool thing, especially during this time,” nakangiting sabi ng Love Lies hitmaker. “There’s such a versatility. Beauty comes in all forms and all skin colours.”

Binabalak ngayon ng singer na magtungo sa Europe para ma-”educate” ang sarili at pag-aralan ang mga ginagawa sa pagdadaos ng Fashion Week events sa Paris, France at Milan, Italy, para mapansin sa modeling world.

Umaasa rin si Normani na sundan ang mga yapak ni Rihanna Rihann at magkaroon ng kanyang sariling clothing line.

“She didn’t transition from music to fashion, she did both at the same time and made it her own,” sabi ng 21-yearold. “The fact that she just came out with a lingerie line for women of all shapes and sizes, and is out there really representing every woman so no one feels left in the dark, is something that I would (also) hope to do.”

Inilunsad ni Rihanna, full name Robyn Rihanna Fenty, ang kanyang highly-anticipated Savage X Fenty lingerie collection noong Mayo 11, kasundo ng tagumpay ng kanyang Fenty Beauty make-up launch kamakailan, at sa kanyang ongoing Fenty x Puma partnership sa sportswear giant.