Bata…Bata… sa YKK football natuwa
HINDI masukat na tuwa’t-saya ang nakamit ng 300 kabataaan mula sa mga piling institusyon sa bansa sa ginanap na dalawang araw na YKK Asia Group Kids Football Clinic nitong weekend sa McKinley Hill Stadium sa Taguig City.
Kabilang sa mga kabataan kalahok ang dalawang bata na nagmula sa napinsalang Marawi City kung saan mismong mga coach ng pamosong Real Madrid ang nanguna para turuan ang mga musmos ng basic at tamang paglalaro ng football.
Ang Real Madrid, kasangga ng YKK Asia Group sa nakalipas na mga taon, ang isa sa pinakamatagumpay na koponan sa pro soccer tangan ang 33 kampeonato sa la Liga.
Nakiisa rin ang mga kabataan na nasa pangangalaga ng Gawad Kalinga, gayundin ang mga kabataan na naninirahan sa mga baybayin ng lalawigan ng Batangas.
Mga ulila at walang tahanan na musmos na nasa pangangasiwa ng Child Hope Asia Philippines ang nabigyan din ng pagkakataon na mabigyan ng oportunidad na makapaglaro ng malaya.
“Football was one way for the kids to cope and transcend the experience of the past,” pahayag ni coach Espiridon Paran. “It was special for them to experience the YKK Football Clinic conducted by Real Madrid coaches because they learned new skills and trained with professional football gear. They’re used to playing with makeshift equipment, using tennis balls and playing barefoot,”
Ikinalugod ni Agustin Villarama, AVP for Marketing ng YKK Philippines ang matagumpay na programa na ikalawang pagkakataon na isinagawa sa bansa sa pagtataguyod ng YKK Asia Holdings PTE LTD at YKK Philippines.
“After two days of clinics, we are happy to see that the kids are happy. We can see that these camps will produce positive effects for them in the future. Sports is a good tool to give a chance for these less fortunate kids,” sambit ni Villarama.
Pinangunahan nina Real Madrid Foundation coaches Pablo Gomez Revenga, Santiago Sanchez Martin at Hector Vicente ang may 30 local coach para gabayan ang mga kabataan.
Isinusulong ng Real Madrid Foundation coaches ang kahalagahan ng edukasyon, responsibilidad, pagmamalasakit at teamwork sa pamamagitan ng sports.
“The coaches were very passionate about the country and about the kids that they taught football to. They also enjoyed themselves throughout. That’s how much they love football,” pahayag ni Villarama.