Sampung kalahok sa 14th Cinemalaya film fest, inihayag
OPISYAL nang inihayag ng Cultural Center of the Philippines (CCP) at ng Cinemalaya Foundation ang sampung pelikulang bubuo sa full-length category ng 14th Cinemalaya Philippine Independent Film Festival.
Ang sampung official entries na magpapahusayan sa iba’t ibang kategorya at sa coveted Balanghai trophies ay ang mga sumusunod:
Distance, sa direksiyon ni Percival Intalan, at pinagbibidahan nina Iza Calzado, Nonie Buencamino, Therese Malvar at Alessandra Malonzo. Tampok din sa pelikula sina Adrianna So, Max Eigenmann, Mailes Kanapi, at Matt Daclan, sa screenplay ni Keavy Eunice Vicente.
Pasok din ang Kung Paanong Hinihintay Ang Dapithapon ni Carlo Enciso Catu, na pinagbibidahan nina Dante Rivero, Menggie Cobarrubias, Romnick Sarmenta, Che Ramos, at Perla Bautista. Mula naman ito sa panulat ni John Carlo Pacala.
Si Ogie Alcasid naman ang bida sa Kuya Wes, ni James Robin Mayo, at magkatuwang na isinulat nina Denise O’Hara at Heber O’Hara. Others in the cast include Ina Raymundo, Moi Bien, Alex Medina, Karen Gaerlan, at marami pang iba.
Entry rin ang Liway na tinatampukan nina Glaiza de Castro at Dominic Rocco, kasama sina Sue Prado, Kenken Nuyad, Soliman Cruz, Joel Saracho, Pablo O’Hara, at Ebong Joson. Ididirehe ito ni Kip Oebanda, na kasama ni Zig Dulay sa pagsulat sa pelikula.
Kalahok din ang Mamang, sa panulat at direksiyon ni Denise O’Hara, at pinagbibidahan nina Celeste Legaspi, Ketchup Eusebio, Peewee O’Hara, Alex Medina, Gio Gahol, Elora Españo, Paolo O’Hara, at maraming iba pa. Balik-pelikula naman si Eddie Garcia sa ML, na idinirehe at isinulat ni Benedicto Mique, Jr. Tampok din sa pelikula sina Tony Labrusca, Liane Valentino, Henz Villaraiz, Jojit Lorenzo, Rafa Siguion- Reyna, Chanel Latorre, at marami pang iba.
Sa panulat at direksiyon ni Ian Lionel Benjamin ang Musmos Na Sumibol, na tinatampukan nina Junyka Sigrid Santarin, JM Salvado, Star Orjaliza, Jun Salvado, Jr., Romerico Jangad, at Darril Ampongan.
Pasok din ang Pan de Salawal, sa panulat at direksiyon ni Che Espiritu, at tinatampukan nina Bodjie Pascua, Miel Espinosa, Madeleine Nicolas, Anna Luna, Soliman Cruz, Ian Lomongo, Ruby Ruiz, JM Salvado, Lorenzo Aguila, at Felix Roco.
Entry rin ang School Service, ng BG Productions International ni Baby Go, at sa direksiyon ni Luisito Lagdameo Ignacio. Isinulat ni Onay Sales, bida sa pelikula sina Ai Ai de las Alas, Joel Lamangan, Celine Juan, Therese Malvar, Felixia Dizon, Joe Gruta, Kenken Nuyad, Santino Oquendo at Kevin Sagra.
And lastly, kalahok din ang The Lookout, written and directed by Afi Africa, at pinagbibidahan nina Yayo Aguila, Rez Cortez, Efren Reyes, Jay Garcia, Alvin Fortuno, Jeffrey Santos, Benedict Campos, Aries Go, Elle Ramirez, at Andres Vasquez.
Ang 14th edition ng pinakamalaking indie film festival sa bansa ay mapapanood sa Agosto 3-12, 2018 sa CCP at sa piling Ayala Cinemas.