NBL PH Grassroots League

ILULUNSAD ang National Basketball League (NBL) – Philippines sa Agosto 25 sa Hagonoy Sports Complex sa C6, Taguig City.

Nakatuon ang liga sa amateur at homegrown players na may edad 18 hanggang 29 years old at naglalayon na matulungan ang mga kabataan na maabot ang kanilang pangarap na high-level basketball.

Kabuuang 12 koponan, tampok ang 300 players ang may pagkakataong magpamalas ng kanilang husay at galling. Ang mga koponan na sasabak sa liga ay ang Bataan Elites, Bulacan Makabayan, Cam Sur Express, Dasmarinas Monarchs, Laguna Pistons, Marikina Shoemakers, Bespren Nueva Ecija, Laguna Pistons, Paranaque Aces, QC Rising Stars, Rizal Spartans at Madmax Taguig Generals.

Bawat koponan ay binubuo ng 25 players, ngunit 18 lamang ang papayagan na makalaro bawat laban. Bawat isa ay kailangang makapagsumite ng dokumento na magpapatibay na tunay na nagmula sila sa lugar na kinabibilangang koponan.

“We will be very strict in the checking of players. Baka may mga certain requirements na kelangan ipakita para patunayan na taga doon talaga sila,” pahayag ni NBL Chairman Celso “Soy” Mercado.

“Siyempre, lahat ng mga players na taga-don, masarap ang pakiramadam sa bandang huli kasi lehitimo sila na taga doon,” aniya.

Iginiit ng organizers na hindi maitutulad sa PBA at MPBL ang NBL na isang complimentary league.

“We will not be competing with any league here sa Pinas. Pero, we will be competing with NBL leagues from other countries,” pahayag ni Mercado.

Ngunit, ang magiging kampeon sa liga ay mabibigyan ng pagkakataon na makalaro sa international competition laban sa mga koponan mula sa Vietnam Basketball Association (VBA) at Indonesian Basketball League (IBL).

“On our third season will start playing against out international counterpart, NBL Australia, China, and Canada,” sambit ni Ms. Rhose Montreal, VP for Marketing ng NBL.

Si dating PBA player Fernando “Nandy” Garcia ang league commissioner.

“Since bago pa lang tong liga, I’m expecting some bumps along the way. Pero it’s part of the process. No league is perfect,” pahayag ni Garcia.

ROY AFABLE PINANGUNAHAN ni NBL PH Chairman Celso " Soy" Mercado (gitna) ang paglulunsad ng liga sa isinagawang media conference sa Dad's Kamayan EDSA.