Nick Jonas, approved sa nanay ni Priyanka
NAKUHA na ni Nick Jonas ang seal of approval mula sa nanay ng kanyang fiancée na si Priyanka Chopra, na inilarawan pa siyang “wonderful person.”
Matapos ang ilang linggong espekulasyon, kinumpirma nga ng Jealous singer at ng
Baywatch star ang engagement nila kamakailan, matapos lumipad pa Mumbia, India si Nick kasama ang kanyang magulang para sa isang traditional roka ceremony kasama ang magulang ni Priyanka.
Sa isang interview sa DNA India, inilarawan ni Madhu, mother ni Priyanka, ang mapapangasawa ng kanyang anak.
“Nick is calm and mature,” pagbabahagi niya. “I always trust Priyanka’s judgment; she’s not impulsive. She gave it a lot of thought and when she decided on something, I was sure it would be good.
“He’s a wonderful person and everyone in the family just loves him. He’s so polite and respectful towards elders. What more can a mother want!”
Una nang tumangging magbigay ng opinyon ang ina ng Indian actress ng unang bumisita ang American singer sa Mumbai. Gayunman, “impressed” umano si Madhu “how seriously Nick took their roka ceremony,” na isang pre-wedding Hindu tradition.
“It was a new thing for him and he took it seriously. He followed what our panditji (priest) said, and chanted the Sanskrit mantras accurately. Both he and his parents did it beautifully. They are nice people,” kuwento ng ina.
Aminado naman si Madhu sa pangungulit sa anak tungkol sa pagpapakasal nito, ngunit sumuko na umano ito two to three years ago ng i-pursue ng kanyang anak ang Hollywood career, kaya naman naniniwala itong “destiny” sa isa’t isa sina Priyanka at Nick.
Umaasa ngayon ang ina ni Priyanka na magkakaroon ng traditional Indian wedding ang dalawa, bagamat hindi naman umano niya ito ipinipilit at “They haven’t decided on a wedding date yet. It’s too soon.”
“Both of them have work commitments right now which they need to finish. They will take some time to decide where they want it and when they want it.”