Ben Affleck pumasok sa rehab
TRYING to get healthy. Pumayag si
Ben Affleck na pumasok sa rehab kasunod ng intervention nitong Miyerkules, kinumpirma ng isang source sa Us Weekly. Kasama ni Ben ang estranged wife niyang si Jennifer Garner, at isang sober coach sa kanyang bahay sa Pacific Palisades.
Batid ni Ben, 46, na kailangan niya ng tulong, ayon sa source na malapit sa dalawa. Sinabi ng isang eyewitness na malinaw na mayroong “major” na nangyayari sa loob ng bahay ng aktor at lumabas si Jennifer, 46, na nanginginig. Pagbalik ng aktres ay may kasama na siyang bodyguard.
Matapos ang mga paguusap, umalis sina Ben at Jennifer sakay sa kotse, na minamaneho ng aktres. Huminto sila sa Jack in the Box sa Pacific Coast Highway at dumiretso sa Malibu, ayon pa sa source.
Noong Agosto 13, naispatan ang Gone Girl star na paalis sa isang pagpupulong ng Alcoholics Anonymous. “This is part of his practice and how he maintains his personal health. He’s been doing these classes for months. He’s also been spotted outside of meditation classes as well as meetings. He’s focused on being there for those in his life,” sinabi noon ng isang insider sa Us Weekly.
Nananatili naman si Jennifer sa tabi ng dating asawa habang nilalabanan nito ang addiction. Mayroon silang tatlong anak— sina Violet, 12, Seraphina, 9, at Samuel,
6, at naghiwalay noong 2015, ngunit hindi naghain ng diborsiyo hanggang 2017.
“Jen wanted to give Ben the time and opportunity to work on his health and sobriety,” sinabi ng source sa Us Weekly ngayong buwan. “She isn’t in a rush.”
Kamakailan ay nagkaroon ng bagong karelasyon si Ben, ang Playboy model na si
Shauna Sexton. Unang nakita na magkasama ang dalawa na naghahapunan noong Agosto 16. Ayon sa source, hindi na nagulat si Jennifer sa relasyon ng dalawa.
Noong Marso 2017, tinapos ng Batman alum ang treatment program kontra alcoholism. “I want to live life to the fullest and be the best father I can be. I want my kids to know there is no shame in getting help when you need it, and to be a source of strength for anyone out there who needs help but is afraid to take the first step. I’m lucky to have the love of my family and friends, including my co-parent Jen, who has supported me and cared for our kids as I’ve done the work I set out to do,” post niya sa Facebook nang mga panahong iyon. “This was the first of many steps being taken towards a positive recovery.”